日記~24/2/2021 ~ 在囚工資 (Patreon)

星期三 晴 昨晚交咗信俾鴻仔幫手傳個訊息俾嘉豪，希望佢收到啦。一切如常，起床飯，今日開始升上一級(即係加左人工)，唔使再洗廁所，只係掃大棚地便可。今日到下午自己地方係景點(即係大sir 要當巡視的地方) ，當然要清潔一番啦！個位六叔又係俾人嘈（自私唔做嘢），揸住條布係到行來行去。

星期三 晴

昨晚交咗信俾鴻仔幫手傳個訊息俾嘉豪，希望佢收到啦。一切如常，起床飯，今日開始升上一級(即係加左人工)，唔使再洗廁所，只係掃大棚地便可。今日到下午自己地方係景點(即係大sir 要當巡視的地方) ，當然要清潔一番啦！個位六叔又係俾人嘈（自私唔做嘢），揸住條布係到行來行去。

突然收到嘉豪訊息，知道他從小欖經歷及成長都比較安慰，希望佢明白須要忍耐。又突然賢仔叫我教佢摺紙（百合花）寫錯啦Iris，百合係Lily先啱。摺好了兩個，佢攞住好開心！:) 今日收到石牆花的一封信，由20號寄過來但只得P.5-8，之前P.1-4未收到或唔知去左邊！光頭佳又回來了(之前攪事爭做B仔 (即係班長) 個案位)！

晚飯時，大家都討論4月中的回教朝拜齋戒月，因為F.1(F座地下) 要搬上F.4(F座四樓)，邊個要同邊個同房，因為依家係單人，但4月中至5月中要變雙人房了。晚上夜藥一出醫院門口就被踢竇，回到倉又踢一次，當然平安啦！暫時有守規矩又怕什麼呢？

PS: 圖片及以下資料來自燕子生命

- 在囚人士每天工作6到10小時，星期日或公眾假期除外。

- 懲教署工作及職業訓練分配委員會會按囚犯的刑期、健康狀況和意願，分發適合工作予在囚者。

- 種類包括：

★製衣及洗熨服務（如醫院的床單被舖、病人衣服等）

★皮革製品（如警察的皮鞋）

★標誌製品（如交通路牌、街牌等）

★玻璃纖維製品（如垃圾桶）

★書籍裝訂（如為圖書館的圖書加上硬卡）

- 成年在囚人士的工資由每週約$24至$199。

☆基本：$24.6

☆學徒：$46.39-112.71

☆熟練：$66.58-199.77

(因健康理由不能參與工作的在囚人士，或正接受啟導課程而未開始工作的新定罪人士，均屬基本級別)

- 工資不作現金交收，只是記帳

- 在囚人士可用這些工資，每月兩次填表格，購買小賣物品，如香煙、飲品、小食等共70項，或作儲蓄。

-「新報到」的在囚人士，必須儲起工資10%，直至存款達$500，以保障他們刑滿出獄時，手上也有一點錢。

- 21歲以下的青少年在囚人士，則接受半天教育，半天職業訓練。