日記~25/2/2021 ~ 複雜的監獄生活 (Patreon)

星期四 上午有雨/下午天晴 近排有好多暫時頂更嘅老細(職員)係流倉，我昨晚多口問老細什麼叫三手，什麼叫四手，終於解開了這個謎。今日真真正正掃大地，光頭佳(囚友)就笑我升咗級，要派朱古力，我冇彩佢（佢同我玩啫）。 當正式工作時，（昨天已有火藥味）阿六又係偷雞摸狗是旦做，終於B仔發

星期四  上午有雨/下午天晴

近排有好多暫時頂更嘅老細(職員)係流倉，我昨晚多口問老細什麼叫三手，什麼叫四手，終於解開了這個謎。今日真真正正掃大地，光頭佳(囚友)就笑我升咗級，要派朱古力，我冇彩佢（佢同我玩啫）。

當正式工作時，（昨天已有火藥味）阿六又係偷雞摸狗是旦做，終於B仔發火了支大家嘈咗幾句，全哥(職員)出面調停，一定未完！（冰封三尺非一日之寒，累積了很久啦！）正在午餐時，又要去指模房準備公務探訪（李俊威:前區議員），要多謝佢寄比我的“解悶工廠”及“音樂新聞”(一啲影印本的新聞)的協助之餘，我又要求佢地幫我搵結他譜，冇法啦！在囚人只可以向外界要求支援！幫到囚友就幾多，盡做！(有囚友想要結他譜)

我探訪完正正要“殺”(即係有大SIR 要巡視)，以就跟住去了三手房一齊“殺”，之後返活動室寫信。點知又去沖涼，六叔已經60歲可惜心術不正，睇佢好似好可憐，但太多挑撥離間小動作！沖完涼已經4:30，食飯了，今晚食蕃茄，好味！食完就返活動室，全日最精彩一幕出現，六叔問德叔俾人鎖啲嘢，原來佢自己申請，因為借人太多煙，鎖咗調期數就唔使還！明天鎖佢，阿林鎖咗，六叔鎖咗，流倉要變天了！監獄就係咁，100人有99.9都係古惑仔黑社會，比現實埸外複雜得多。