日記~6/3/2021 ~ 用飯做漿糊 (Patreon)

星期六 陰/晴 密雲 星期六半日工作，犯冰冰回來了，也做返自己掃地的工作，監獄係一個階級式管理，工作位置升級，工資深也許會升，升職係跟隨年來資及有沒有新囚犯加入。早飯後便開始工作了，單掃地係輕鬆好多。天氣潮濕，地下拖完依然好濕！完成工作自然返回活動室寫信，蚊姐話3月12日星期五

星期六  陰/晴 密雲

星期六半日工作，犯冰冰回來了，也做返自己掃地的工作，監獄係一個階級式管理，工作位置升級，工資深也許會升，升職係跟隨年來資及有沒有新囚犯加入。早飯後便開始工作了，單掃地係輕鬆好多。天氣潮濕，地下拖完依然好濕！完成工作自然返回活動室寫信，蚊姐話3月12日星期五來探訪，到時有靚女相收啦！

我自己剪貼的歌書(自制物品是違反監獄條例)(如何剪貼?只係用摺痕用手撕，再用飯加小小水壓榨成漿糊，用我地平時飲水的荼嘜及湯匙。係食飯時偷偷地用紙巾包住啲飯，都要偷偷咁做剪貼)，可能有啲歌佢地冇，所以有好多囚友都借去玩結他，希望明天結他可以到手啦！今日剪咗頭髮，係第三次剪，有私家剪係好啲！呢到啲水真係好有問題，見到個個身都有同樣的敏感紅點。

新來的DD越南仔又唔識講又唔識聽，真係悶死佢，聽講都有FD探佢，唔知係咪自己心軟呢？可憐人地！

鴻仔喜歡扮大佬，要小心這個手足，心術不正，有機會要同嘉豪講下先。