日記~5/3/2021 ~ 監房內照打小人 (Patreon)

星期五 陰 春雨綿綿，天氣十分潮濕，衣物都唔能夠乾得晒，因為有部份底衫、襪都唔會攞去洗衣房，因為會被人攞走搵唔返。近排有好多我唔識嘅職員做老細，之前被德叔整壞（爆）咗嘅水喉已維修好，今日驚蟄打小人，用手撕了人形公仔，打阿龜公德（玩下而已）。因為吸煙囚友一定有火柴，而厠所同沖涼都沒

星期五 陰

春雨綿綿，天氣十分潮濕，衣物都唔能夠乾得晒，因為有部份底衫、襪都唔會攞去洗衣房，因為會被人攞走搵唔返。近排有好多我唔識嘅職員做老細，之前被德叔整壞（爆）咗嘅水喉已維修好，今日驚蟄打小人，用手撕了人形公仔，打阿龜公德（玩下而已）。因為吸煙囚友一定有火柴，而厠所同沖涼都沒有CCTV，於是幾位比較友好的囚友，一齊入厠所打小人(當然紙人寫住小人個名「林鄭XX」)之後燒左個紙人。

工作時，去了B操場，發現有雀巢喺矮樹上，只要企上花槽邊就摸到。光頭佳叫我睇下有冇蛋，結果有兩隻將快孵出嘅蛋，佢立即攞咗想食，最後經過勸喻之後，由我放返上去，希望雀仔(班鳩)會返去照顧佢地啦！差點要齋戒一星期陪罪。

將寄來的歌譜整成一本書，都容易處理，將來寄來可以加上去，因為冇Clear Folder入啦！只有報讀書先可以入更多文具。