日記~9/3/2021 ~ 食藥/寄宿學校 (Patreon)

星期二  陰天

可能昨晚瞓得唔好，一早起頭痛嚴重！早飯如常，每日早午晚都有醫院職員巡視派藥，當然我去攞頭痛藥，每人攞住柸水排隊，耍係職員眼前吞下並要張開口被檢查有沒有吞下。工作如常，今日收到工會回信，原來”蘇駿軒”同名同姓一位強姦犯（警察）需要解釋一下(是咁的，因為有位囚友”蘇駿軒”想交筆友，於是我寫信出去推薦，怎知回覆問他是否那位強姦犯（仲耍係警察）)。”香港自由工作者服務工會”會長小小明嘅信都收到了，佢唔明手足係想溝女呀！唔係想同你小小明做筆友! 哈哈! 要叫佢扮女仔先得啦！直到晚飯，食左三次藥嗰痛症未舒緩到，只好早啲瞓啦。眼科藥好似唔夠，係咪又執漏呢？明晚最後一次，又要提下佢地先得。

其實坐監比我感覺真係越來越似去咗一間很葵嚴格的寄宿學校一樣，有班主任，有班長，有教師（職員），有風紀（保安），有操場體育堂，有活動室，工作就係上課，有校規（監獄條例），起碼自己安慰自己會舒服好多！好頭痛呀！

PS: 唔知係咪因為呢封家書，至今大家都用”放學手足”來講我地曾經入獄手足呢?