日記~10/3/2021 ~ 夜藥 (Patreon)

星期三 密雲 昨晚頭痛，好早瞓，一覺瞓到五點幾，早上依然有點頭痛，應該係感冒啦！食咗幾次藥都無好轉，暈吓暈吓咁。早飯，午餐，晚飯都同派藥醫官攞雙倍嘅藥食，到晚飯後終於好了一點點，食完夜藥 (返倉後，每晚十點關燈，在九點幾會有派藥員拿住藥箱，一邊行一邊叫”夜藥”…如有須要，就走近

星期三  密雲

昨晚頭痛，好早瞓，一覺瞓到五點幾，早上依然有點頭痛，應該係感冒啦！食咗幾次藥都無好轉，暈吓暈吓咁。早飯，午餐，晚飯都同派藥醫官攞雙倍嘅藥食，到晚飯後終於好了一點點，食完夜藥 (返倉後，每晚十點關燈，在九點幾會有派藥員拿住藥箱，一邊行一邊叫”夜藥”…如有須要，就走近倉門向派藥員話要xx藥 ) 頭痛已經退了七七八八。終於又計錯我啲藥，好在早前跟藥房職員提過有一盒未開，眼科嗰隻藥！藥房終於搵到出來了！

今日龜公德發神經，無啦啦係活動室睇電視，話後面個囚友踩到佢，差小小打交……好在大家都係到㩒得住，以後敬而遠之！今日抄了三份譜（月亮代表我的心），手抄本珍貴好多，希望妹妹幫我買到啲歌譜啦！12號來探我，即係星期五，我心急啲歌譜，而家生活自然咗，冇咗之前的恐懼。好想攞結他返房玩，可惜唔可以！

其實每日都好有規律咁生活，除了人之外，社會發生嘅事也要記下來。今日話有三個新人，可能喺醫院，未知有冇手足呢？