日記~11/3/2021 ~ 遺失藥物 (Patreon)

星期四 密雲，間中有陽光 昨晚都叫做好瞓，食四寶(感冒藥)加咳藥水，都好返好多。一早起身，一切如常，早飯時都係同爵爺討論兒童及動物拍攝問題，當拍片時有動物或兒童都係比較難拍，但他說有虐待成份，我話小朋友同動物係迫唔到佢地做嘢！爵爺都係死牛一邊頸。 食飽要工作，掃下地就做完個人工

星期四  密雲，間中有陽光

昨晚都叫做好瞓，食四寶(感冒藥)加咳藥水，都好返好多。一早起身，一切如常，早飯時都係同爵爺討論兒童及動物拍攝問題，當拍片時有動物或兒童都係比較難拍，但他說有虐待成份，我話小朋友同動物係迫唔到佢地做嘢！爵爺都係死牛一邊頸。

食飽要工作，掃下地就做完個人工作，另有團體工作也只是半小時左右，全日就係寫信、回信。沖涼今日食早，即係四點半食，晚飯後，係活動室彈咗一陣結他啦！之後就到夜藥時間，昨晚明明有盒新藥，應該食到覆診期，點解會唔夠藥？56粒/28日，由上個月18號開始，都未夠覆診期會唔見咗啲藥？懲教太過份！好在係眼科藥，每日兩粒，預防發炎。其實我知是什麼原因，我的藥會小了，因為懲教有咁多囚犯，總有囚友是食相同的藥，如果有其他監獄求救搵藥，都會比左緊急使用先，再想辦法去醫院配返，所以我相信明天就有返我啲藥。因為有一次食藥時無意聽到醫官講電話。

大家可能唔記得為什麼我要睇眼科，日記~18/2/2021 ~ 胡椒噴霧傷害眼角膜。

PS: 因為眼睛被胡椒噴霧傷了很多次，所以角膜受損，眼睛看出來非常模糊，醫生話要等角膜傷口服完後，睇吓要唔要做人工角膜移值手術。