日記~16/3/2021 ~ 公開監獄情況 (Patreon)

星期二 晴 29°C 天未光，啲雀仔就嘈到嘔，五點幾就嘈醒。6:30天已亮，如常出倉早飯，因為職員調職，所以好多唔同老細出現。由昨日開始，因為工程問題，需要調我哋由四樓遷移去三樓，走上走落。原來要安裝揚聲器，又加設每層有間房仔，因為現時要係走廊頭大聲叫某號碼，例如食夜藥時，須要

星期二  晴 29°C

天未光，啲雀仔就嘈到嘔，五點幾就嘈醒。6:30天已亮，如常出倉早飯，因為職員調職，所以好多唔同老細出現。由昨日開始，因為工程問題，需要調我哋由四樓遷移去三樓，走上走落。原來要安裝揚聲器，又加設每層有間房仔，因為現時要係走廊頭大聲叫某號碼，例如食夜藥時，須要職員帶領，所以會大叫號碼去食夜藥，而家先加設揚聲器? 都係唔想大叫? 點解會去到2020年才做? 政府喎 !。

睇報紙，咬斷手指嘅手足判五年半，話好大機會過來，希望有機會見下面啦！如果冇估錯，明天我應該會出荔枝角覆診，出荔枝角有好有壞，行開下都好。盡力爭取Contact Lens希望成功。

入咗來三個幾月，眼見有人出冊，也不斷有新人入來，循環不息，基本每日都有人入獄，每日都有人出獄。2019年，大量知識份子被捕，一啲唔應該係監獄出現的人，強行監禁，監獄地下秩序亂七八糟，我們比較喜歡投訴，又懂得寫信，將監獄內發生的事，寫信出去公開了一些獄監秘密情況，攪到懲教好頭痛。因為好多罪犯根本唔識字。有啲十幾年刑期同職員已經好熟，自問自己都同某些職員有兩句計傾下。囚友的確有要求，但有啲嘢又好難達成！