日記~17/3/2021~石壁巧遇戴耀廷 (Patreon)

 星期三  晴天

今早收到通知要去荔枝角覆診了，出去係好，但每次諗起要嘈住(追住班懲教)食藥就好L煩。工作完成就等人帶我去指摸房，當去到時，見到一個新人，我多問口是否新人，佢答我半新人，因保釋外出而家因為國安法取消了保釋再入返來，即時想起戴耀廷教授，「戴生？」我問咗一句，佢微笑地點下頭，答係呀。一個和藹可親的人中年男性，他在大學教援基本法。他形容現今情況，就像大家設定好捉棋的規則，而家我遵照規則將你軍，你就推咗盤棋，改晒啲規則再話人犯規，非常無賴，我十分認同，共產黨是怎樣用無恥手法去搶了一個國家的。雖然只有30分鐘左右，但已經好足夠。

上鎖，上車，去唐福接人，返到荔枝角，指模房，搜身等…水房見到冰冰，原來仲未返石壁。今次夜藥終於食到，每次都亂七八糟，安頓好去F3囚室休息，我就寫信、寫日記，都瞓得OK。

當我去指模房途中，遇上恆哥，多謝佢用緊張口吻問「鋒你去邊？」，我答覆診，佢才輕鬆地回答「…哦！」多謝恆哥！