日記~21/3/2021 ~ 被人踢入黑社會 (Patreon)

Published:

2024-01-27 13:32:19

Edited:

2026-09-03 07:06:33

Imported:

Content

星期日雨天/陰天昨晚終於可以喺自己個倉瞓啦！星期日休息日，全日都唔使工作，食完早飯後轉場到活動室，等其他期數(期他倉皇)食完早飯，再轉場返回飯堂活動。今個星期日帶埋結他去飯堂活動，彈下唱下，終於今日比到個Capo(調音器)我啦！當然黃人手足囚友會Group埋一枱玩都好正常

星期日雨天/陰天

昨晚終於可以喺自己個倉瞓啦！星期日休息日，全日都唔使工作，食完早飯後轉場到活動室，等其他期數(期他倉皇)食完早飯，再轉場返回飯堂活動。今個星期日帶埋結他去飯堂活動，彈下唱下，終於今日比到個Capo(調音器)我啦！

當然黃人手足囚友會Group埋一枱玩都好正常，阿希到了，杜啟華（卡比獸）喺到，一齊唱下抗爭歌(榮光等)，但係竟然有人拉卡比獸去另一邊玩，可能大家吸煙關係會多傾計，佢叻仔來，但佢話我知有人叫佢加入佢地單位(黑社會)，當然叫佢唔好啦，我就係一個好榜樣，有冇單位嘅生活方式，唔一定要有單會先會過得好！！

之前落大雨，幸好大家出球場時冇雨，佢地踢波，我就用個足球當排球打，玩下啦！真係有少少痛，習慣下都冇咩事！

晚飯同杜啟華同枱，傾下計，希望他真係Reject咗佢地啦！原來傳聞都係真，有手足一定會被人踢入會，希望出冊後可以脫離啦！某人又捉咗阿華去傾，唉！黑社會始終係黑社會。（原來係講嘉豪啲傻事，獄中無聊，是非當人情，八卦到好得人驚）