日記~20/3/2021 ~ 初見杜啟華/舉扒 (Patreon)

星期六 晴天/下午陰天 一早起身，喺醫院食早飯，吹下水，沖埋個涼都未走得，仲要食埋粥同面包(即係午餐12:30)先可以走，好心急，被人困喺一個100呎空間足足24小時，又無電視又無書睇又無信寫…. (因為剛從荔枝角返回石壁) 放入期數，見到大家，開心呀，真係有放:監的感覺（小型

星期六  晴天/下午陰天一早起身，喺醫院食早飯，吹下水，沖埋個涼都未走得，仲要食埋粥同面包(即係午餐12:30)先可以走，好心急，被人困喺一個100呎空間足足24小時，又無電視又無書睇又無信寫…. (因為剛從荔枝角返回石壁) 放入期數，見到大家，開心呀，真係有放:監的感覺（小型）。落到期數已經唔洗開工啦，玩下結他唱下歌，整理下歌譜，新譜被囚友發現攞走咗（俏郎君）再叫人入比我啦！新人有單位但都冇人幫佢哋攞嘢就幫下手啦！我意思你佢所有財物(書、零食、簿…..) 兩個人稱細佬同哥哥，細佬比較靜。終於可以同杜啟華先生正式傾下計，為人開朗、樂觀，同嘉豪好唔同，好似幾受人歡迎。真人比較瘦咗少少，上鏡肥啲，叻仔來！第一次見當然講咗好多嘢（呢度自己撞過板嘅嘢）食飯規則、生活規律等等，並將塘福囚友告知的事話佢聽，蘇軒、賢仔兩位B仔特別喜愛佢咁喎！哈哈塘福囚友告知事件：在19/03/2021由荔枝角返石壁途中，在指模房認識了一位同車水路的師兄囚友，講起黃色手足在囚中令佢好氣憤的事，冇禮貌、認叻、自以為是、舉扒(即係太平申士巡房，大家有什麼要求?) (通常大家都知唔會出聲，因為會有好多麻煩嘢，例如要調查寫報告，你比麻煩人，自然不會好過) 樣樣做齊，被人打都抵啦！