日記~24/3/2021 ~ 監房糧單 (Patreon)

星期三 晴（18°C）大約清晨五點幾就開始有牛叫，天很快便天光證明夏天好快到，早上6:30已經光晒了。早飯、工作，都冇什麼事發生，很平常淡的一天，只係開始派糧 (監房出糧即係派零食，囚犯的工作是有工資，最高200蚊一星期，最低6x 一星期，某些月份會計入有五個星期，所以叫做”出大糧”，所以糧用星期計算。糧單即係買零食單，有72種物品可以購買，唔須要用晒啲錢，乘餘的可以儲起。有些囚友一直唔用儲起用作出獄時之用，我所知有人儲了幾萬元，因為佢地要坐十幾廿年)。職員開始要鎖門，因為有特別人物巡視，囚友”粟米”要去廁所，大叫職員開門，又有一段小風波，有職員投訴被”粟米”用粗口破罵，其實根本沒有。另外我又犯了錯，又有信打回頭，在囚人士不能寫信去傅媒，因為蘋果日報招稿為大家打氣，所以只能寄給家人，不能直接寄去報紙編輯部。又傻了！！（”德叔”又食多咗一包煙，要問我借）“可樂”又問人借嘢，討厭！！問我點解買一包花生咁少，真係好好笑！！因為佢都唔問就攞來食!返到房都係覆信，真係一星期內寄十幾封信！覆到有點攰，9點多便瞓！貫郵票錢都唔小!!PS : (如果每月800 x 12 x 10年都有96,000)