日記~25/3/2021 ~ 如何洗衣服? (Patreon)

星期四  晴 未到6:30已經醒了，今日沒有衣服洗，我的期數逢星期二及四洗衣服，囚衣是粗的麻質衣服，有衣服要洗便要把衣服放入收衣膠箱內，衣服上有囚犯們的號碼及名字。洗好之後會在後一日，放在入倉口，自己須要去揾，洗衣期的囚友會把同號碼或同名的摺好放在一齊，每次都會有人唔見衫，唔見狂

星期四  晴

未到6:30已經醒了，今日沒有衣服洗，我的期數逢星期二及四洗衣服，囚衣是粗的麻質衣服，有衣服要洗便要把衣服放入收衣膠箱內，衣服上有囚犯們的號碼及名字。洗好之後會在後一日，放在入倉口，自己須要去揾，洗衣期的囚友會把同號碼或同名的摺好放在一齊，每次都會有人唔見衫，唔見狂好難揾得返。

出倉，今日龍哥下午，上午係全哥，通常都會稱呼懲教職員做阿哥。囚友阿肥今日又出荔枝角又比人鬧，食完早飯便開工了，又係一般工作，冇什麼特別，可惜今日冇信收，希望明天有啦！收信係在獄中人最大的安慰，早上個人工作已經唔使我，因為都由新來的囚友做，我反而有點唔慣，我寧願拖地。只好繼續回信寫日記，今晚寄了四封信，入面有六、七人回覆的信，因為郵費問題，寄回家中再由家人代為轉寄。

中午食完粥，囚友安爺叫我替佢去大廠做清潔，當然冇問題啦！有機會去睇下大廠，Ga-A車衣A、Ga-B車衣B、木工的工場等。終於可以去到，另外清潔B浴室，開心可以去到嘉豪同卡比獸工作地方，可惜未能碰面。

晚上囚友阿發話明天叫咗人比個放氣足球我當排球打，開心開心，星期六帶結他上去唱下歌先！（恆哥今日行我地G.D. (Genal Duty 清潔組) 開心事很多，還是我簡單呢？）哈！恆哥是第一位懲教職員，同我講”我地都係紀律部隊，好明白你們所做的事，如果係到有什麼問題，同我講) 非常窩心的說話。因為入獄前有師兄在分享會講過，有懲教職員會扮好人攞資料，好在這位恆哥在同我傾計時，說明原來是我一位排球朋友的親友，而且他是一位廿多的年青人係真心幫我。