31 Aporia, Schemata Lexeos (Patreon)

Schēmata Lexeōs Index

31) Ἀπορίᾱ. Aporia

Hoc schēma efficitur, cum quaerimus, quid aut quem ad modum prō reī dignitāte dīcāmus, nec reperīre nōs ostendimus.

Lȳsiae: 'Nec jam ratiōnem invēnimus, quā flectī posse spērēmus. Ita nōs omnibus modīs tentātōs acerba ac nimia tua facultās adflīgit.'

Item Hēgēsiae: 'Nōn haec est, ut vulgārī verbō appellātur, calamitās. Quid igitur? Quod proprium nōmen impōnam, nesciō, nisi illud ūnum, tantam esse aerumnae magnitūdinem, ut omnem fortūnae superbissimam crūdēlitātem ingēns miseria superārit.'