【鬥地主】Cracking the Nutcracker (Patreon)

一，早兩日見到CS 「鬥地主」，順手寫兩句。點知另一邊廂，CE 就親自出馬話 FT 「引述錯誤」。嗱，「引述錯誤」呢個指摘，好 technical。如果張建宗無講過，林鄭應該會好簡單直接話：「Financial Times 無中生有，CS 無咁講過，韓正亦無講過，個個都無講過。」所以，CE 嘅解畫，我又可以理解成：「雖然張建宗係有咁講過，但佢嘅意思唔係咁囉。」

二，一般來講，司級嘅傳媒工作，首先就由幕僚草擬一大堆 Q&A，然後就 circulate 晒其他相關人等。假如入面如果有講到稅，就點都要 copy 埋財政司司長辦公室；就算你無 comment，都要追到你回一句 no comment，acknowledge 有件咁嘅事。講到韓正落 order 咁大件事，正路應該有 copy 行政長官辦公室。

三，咁，我又唔知 CE 本人會唔會連政務司司長嘅 line-to-take 都逐行睇喇。但據說佢係一個都幾 micro-manage 嘅人；我無其他補充。

四，正所謂行家一出手，便知有沒有。你唔好睇 CS 好似無乜殺傷力，Crack the hard nut 呢四個字，真係擲地有聲。以本少爺行走江湖嘅經驗，呢句似係一早度好嘅 sound bite。無錯，高官見傳媒之前，好多時都會度條咁嘅 sound bite。撇除其實嘅 context 唔講，crack the hard nut 係度得幾好，有畫面，有聲，唔錯。

五，CE 都係過咗成日先至出聲。點解呢？會唔會係收到北京嘅 message 呢？你見佢話北京好關心、支持，即係唔係落 order 囉。似乎呢條 LTT，都仲係北京直送。

六，呢件事，有無人要負責呢？無事嘅。不過我覺得好奇係，近來似乎政府都好想做多些少國際媒體嘅嘢；你見 FS CS 都出來吹奏香港嘅營商同投資環境。唔知係咪有 order 要建立返個新常態呢？

以上純粹猜測；如有雷同，實屬不幸。