【速評】別讓中國特色 startups 跑掉 (Patreon)

01，今次 Reuters 呢一篇，就好明確咁講，係官方報料。

02，官方報料嘅重點係，過去十幾年來，大陸好多公司都透過一種叫 VIE 嘅方式海外上市。

03，VIE 係乜？最初 VIE 係用來「規避」中國大陸嘅發牌監管制度。神奇國度裡面，好多行業都一定要由愛國愛黨嘅民族企業去做，咁又點買的股票出去呢？結果就上有政策，下有對策，出現咗一的叫 VIE 嘅離岸公司。

04，理論上，大陸間公司仲係由呢個（班）人擁有，但佢哋就透過一系列嘅合同，將自己嘅權益轉落離岸公司。外國嘅投機（資）者，就可以買呢啲離岸公司嘅股票。

05， 係㗎，如果呢啲人頭走佬，真係無仇報。但又咁講，資本主義市場，從來都係講個信字。

06，如是者，呢個「制度短板」就一直係大陸公司用來海外上市嘅方法；其實如果外國監管機構要出聲，我認為都唔係無 Ground。

07，有少少常識都可以諗到，邊度關咩消費者私隱事吖。亦唔關美唔美國嘅事，之前螞蟻都係香港上市次嘛。

08，呢啲受保護主義壯大嘅有中國特色 startups，趕走上市 cap 水，所為何事，大家心照。佢哋嘅處境，某程度同香港，香港人都好似；有朝一日北京忽然覺得，唔再需要佢哋，但又覺得從佢哋身上，未搾夠油水；想甩身？無咁易囉。

09，上咗市嘅公司，受唔受影響就睇交低幾多保護費喇。未上市，又或者想搵埋呢轉錢嘅中港 startups，我有個感覺係，呢個 party 大概都去到尾聲，飲多兩杯就好 call 車返屋企喇。