2021.09.24 (Patreon)

01，澳洲本來計劃向法國購入潛艇；AUKUS 對法國最大嘅打擊，係眼白白唔見咗總值幾百億美元嘅訂單。法國賣嘅柴油潛艇，英美向澳洲輸出嘅係核動力潛艇，理論上，核動力潛艇繼航力更強，但當然亦有其他嘅代價。

02，過去兩年，澳洲政府都為呢咗個問題，糾結一段日子。其實法國嘅軍工技術，並唔失禮，但咁樣畀人起尾注，法國政府點都要表態；如果唔係，法國軍工業以後仲點會有市場？此外，選舉近了，所以 Macron 亦要用人人都睇到嘅方法，話畀個世界知佢有幾咁震怒。Economist 嘅分析係：

Some voices outside government, especially on the political right, are calling for a more dramatic, de Gaulle-like flourish. In 1966 the general distanced France from nato and went off to sweet-talk the Russians. Ahead of the French presidential election next April, rival candidates are calling for some sort of replay. Gérard Araud, a French ex-ambassador to America, warns of “a Gaullist temptation”.

France's Humiliation by America Will Have Lasting Effects | The Economist 

03，好多人話，美國同法國，由立國開始就同聲同氣喇。各位同學，講多一次，政治就係 coalition building ，coalition 就係 common interests 。兩個國家，無話一定係盟友，又或者敵人。

04，近年越來越明顯係美國逐步減少歐洲、中東、中亞等地區嘅軍事佈防，所以歐洲各國要自己顧自己，尤其係對俄羅斯。又話說回頭，其實冷戰都過咗咁耐，俄羅斯嘅影響力，亦完全唔可以同過去嘅蘇聯比較。所以，美國將軍事資源，由大西洋移去太平洋、印度洋，亦都好合理。當然，呢個轉變所針對嘅，就係神奇國度。

05，星期五，Quad 即係印日澳美四國，將召開第一次 in-person 嘅會議，估計會講吓氣候變化呀、網絡安全等。不過，以上嘅 AUKUS 又好， Quad 又好，明顯都係就神奇國度而設，特別係印度洋同太平洋嘅權力分佈。

Modi in US: The China Factor in India's Quad Strategy 

06，另一邊廂，早兩個月上任嘅中共駐美大使秦剛，第一次招呼美國嘅傳媒同智庫研究員，佢話中國唔係極權，只不過係大家唔了解中式民主個種顧全大局嘅方針。佢呢個講法，有分析指係婉轉咁回應早兩日 Biden 聯合國大會上面所嘅民主與極權之爭。不過，美國嘅媒體話，秦剛一啲都唔戰狼；梗係喇，都話咗戰狼只係做畀自己國民睇，對外嘅時候，呢班人好清楚自己做緊乜。

China’s new D.C. ambassador: We’re just a misunderstood democracy | Politico 

07，大西洋嘅另一邊，英國國會議員展開對英國銀行嘅調查，睇佢哋過去兩年有冇違反人權操守。不過，要留意返，一來呢個全面調查無約束力，二來銀行大可以話應當地執法機關要求，所以佢無得選擇。所以，呢件事睇怕最終唔會有乜嘢後果。

British parliamentarians launch ‘full inquiry’ into whether UK banks in Hong Kong suppressed human rights | HK Free Press 

08，財經新聞始終離唔開恆大；有傳話會國家隊出手，恆大會變國企等。大家要明白，地方如果出現爛尾樓，照正都係由地方政府處理；影響金融系統嘅，就國家隊出手。至於境外嘅事，係絕對唔會救。從呢三個大原則，大致上都見到恆大嘅結局。

China Makes Preparations for Evergrande’s Demise | WSJ 

最後，one more thing；尋日講開 Floyd Odlum，有讀者話想知多啲。恭敬不如從命，我將以前唔同嘅平台都發表過，重新整理；此外，我搵咗佢 1950 年代嘅一次電視訪問，當中佢講到自己嘅投資，核動力飛機等。你無聽錯，係核動力飛機。

大蕭條唯一贏家 | Unsubject