2021.09.27 (Patreon)

是日新聞及評論精選

01，新聞媒體，為咗收視為 click rate，好多時對突發事件會過份解讀，然後就無限廷。放生孟晚舟，其實真係無乜太多可以補充。相信大家從唔同渠道都睇到新聞報導，中共亦都即時放咗兩個 Michaels；換句話說，係 Michaels 係人質，只不過中共一路都唔肯認。

02，黨媒嘅 key message 係：「外面嘅世界好凶險，好在中國人可以靠國家。」其次。黨媒亦都將放生孟晚舟講到係一次「勝利」、「美國要向現實屈服」。當然，正如我經常同大家講，黨媒嘅對象唔係我哋；所以如果我哋覺得以上睇法，好似有少少格格不入，亦都好正常。

03，藍朋友、小粉紅眼中，美國係霸權，所以北京只係以彼之道還之於彼身：「中國人同伊朗做生意，你美國憑乜嘢又拉又鎖？沒有誰比誰更高尚。你做初一，我做十五。你可以拉我哋嘅孟晚舟，我哋點解唔可以依法拉你兩個加拿大人？」

04，值得去思考嘅係，美國司法部點解肯放生孟晚舟？話說目前嘅狀況係 deferred prosecution ，即係「唔撤回」；大家心照不宣喇，唔通北京打鑼打鼓話一定要「撤回」咩？唔會吖嘛。另一邊廂，孟晚舟亦唔需要認罪，不過條件係佢要接納證供「對事實嘅陳述」，statement of fact。換句話說，佢認咗華為有同伊朗交易，而過程當中，亦有對銀行作出虛假聲明。

05，Deferred prosecution 係一個控辯雙方達成協議；點解美方咁順攤呢？係唔係 Biden 政府都真係容易話為啲呢？唔知，唔識評論，亦唔想過度解讀。

06，過去幾年，北京同全世界嘅關係都轉差。孟晚舟事件嘅其中一個餘波，就係同加拿大嘅關係。Washington Post 呢篇報道就話，中共拉咗兩個 Michaels，擺明係做人質；雖然中共黨媒話呢次可以係中加，甚至中美嘅關係一個轉機。但明顯見到加拿大人對中共嘅態度有明顯嘅轉變；政工作者，投其所好，我又唔認為咁快可以改變歐美各國對中共嘅態度。

China’s ‘hostage diplomacy’ standoff with Canada is over. But how much damage was done? | Washington Post

06，除咗加拿大，澳洲亦係另一個對中共態度明顯轉差嘅地方。之前都有講過關於 AUKUS 嘅事；其實呢件事上面，呢三個英語國家未畀北京話冷戰思維，就已經傷害咗法國政府同人民嘅感情。

07，究竟 AUKUS 響太平洋以及印度洋嘅佈局，對中共嘅威脅又有幾咁大呢？

08，我唔係軍事迷，但都覺得以下一篇文幾有趣。正當 AUKUS 話要幫澳洲增加核動力潛艇嘅規模，有個教授就話 2050 年嘅世界，傳統潛艇可能都無乜用，因為各國對海洋都將會有嚴密嘅監察同防禦。佢嘅建議係：「可以諗下潛水航母。」所講嘅當然唔係傳統嘅戰機，而係無人駕駛機。

Australia’s new $100b submarine could be a waste of money ｜news.com.au

09，雖然我成日話神奇國度嘅外交，最終都係做畀自己人睇；但有策略需要嘅時候，佢又會做啲門面功夫。話說上世紀 60 年代，神奇國度同蘇聯交惡，國內亦都借文革去進行宮廷政治。當時歐美亦都經歷緊火紅嘅年代，有好多天真嘅社會棟樑，相信毛澤東個套將會係世界嘅未來；中共亦都好識得去利用呢啲年青人，去進行所謂嘅外宣。

10，1972 年 Jonathan Mirsky，當時仍然係一個年青嘅反戰、反資本主義毛澤東支持者去到中國訪問；官方安排佢哋去一個示範家庭去了解中國人嘅生活，一切都非常之咁美好。點知第二日，Mirsky 「到處走走」嘅時候，又見到呢知「示範家庭」嘅老頭。Mirsky 識中文，所以就同呢位廣東阿叔講兩句；先知道原來佢哋呢班社會棟樑見到嘅，都係假象。48 小時內，Mirsky 由一個毛粉，覺醒成為一個反極權嘅公共知識份子。

11，Mirsky 1970 年代因為參與社運，據說因此令佢未能成功 tenure ；結果佢轉行做記者。8964 ，清晨三點鐘，Mirsky 親眼目睹軍人向人民開槍，佢自己都畀解放軍毆打；返到酒店後，佢打電話返英國，讀出佢嘅報道。之後佢仲返去天安門廣場，見到解放軍向人民、醫護開槍。

Jonathan Mirsky, Journalist and Historian of China, Dies at 88 | The New York Times

12，上星期五，北京發聲明話自從 2019 年開始，美國有 102 次干預香港事務，干預中國內政（下刪一千幾百字）。呢篇 The Hill 嘅報道最好係結尾嘅一句：

It is unclear why the list was released on Friday.

13，報告雖然由外交部發表，但對象並唔係國際社會。有人擔心，香港國安處可能會因應北京嘅表態；但更大可能係經過北京定性，以後香港嘅法庭審判以國安法起訴嘅案件，都要以呢份報道為為「事實」基礎。

China accuses US of interfering in Hong Kong 100 times | The Hill

14，關於中國經濟嘅最新焦點，係 power crunch ，停電。北京最新嘅指令要廠商減產，蘋果、Tesla 等嘅供應商過去幾個星期以來嘅廠期都受到影響。呢啲新聞，紙包唔住火，畢竟供應商交唔到貨，對外都要有個解釋。

Key Apple, Tesla suppliers halt production amid China power crunch | Nikkei Asia

15，能源市場嘅緊張狀態，影響唔只神奇國度；歐美都一樣受到影響。近期最新嘅詞彙係 Gasflation。有分析又再提到 supply-chain recession。但由疫情爆發開始，都已經有呢個憂慮，但事實證明，目前嘅環球經濟，似乎比想像中更 resilient。

Gasflation | ZeroHedge