不完美但偉大 (Patreon)

cosmopolitan 的氣息就那是人與環境的複雜關係

今日去咗 NYC 行一轉，今次主要係 midtown 附近出沒。

條街好多人，好濕，亦好很凍。

忽然有一刻，有個感覺：「依家應該係我呢幾年來，第一次感覺到同香港最接近嘅時候。」

但之後又諗：「唔係；始終係唔同。Manhattan 係 Manhattan ，香港就係香港。」但呢份 cosmopolitan 嘅氣息，係相近嘅。」

其實早幾個月另一次上來，偶遇到一位過來幾個月嘅朋友；同佢講開紐約，我話：「紐約嘅生活模式，係一種 acquired taste ；你係要刻意去學點樣去欣賞。最終，有啲人學得到，但唔係人人學得到。」

曾幾何時嘅香港，都係一樣。

我唔知未來嘅香港，會唔會變得更陌生，又或者會唔會要我哋去重新學習，適應。

但我有一點可以肯定：無論係 Manhattan ，抑或係香港，cosmopolitan 嘅氣息，並非完全來自鋼筋水泥高樓大廈，繁華背後嘅橫街窄巷，嗰份凌亂美，先至係比真實更真實嘅感覺。

如果容納唔到呢啲不完美，不足以稱之為偉大。

乜嘢係 acquired taste ？最基本是懂得欣賞同一件事入面，點樣可以同時包容好似兩極嘅存在。例如五光十色嘅繁華都市，一定有街燈照不到的地方。明暗粗幼嘅複雜對比，好似好多變化，但仍然係同一個城市。

欣賞當中嘅變成，和而不同嘅微妙平衡，咁當然係要學習嘅 acquired taste 。甚至可以話，任何需要刻意去學點樣去欣賞嘅事物，都必然係人同自然互動嘅產品；例如紅酒、芝士等。

城市，當然係合人與自然之力而成嘅現象。

用呢種觀點去欣賞我哋身邊嘅事物，或者可以令人少啲武斷，多啲空間去接觸新事物，比自己有更多嘅機會、空間去成為一個更好嘅人。