6月風水小貼士 - 流月催工作運方法 (Patreon)

一不離二，今個月衰在冇好日子催財運，不過催工作運就有噃。

又再噚氣講多次，催工作係穩住你工作既地位，如果自己係打工，做又三十六唔做又三十六嗰啲，就唔好佈喇，因為會令你工作量大增。

呢個陣係幫一啲有機會升職，或想穩住份工或穩住地位，又或者搵工的人去佈的。

首先，喺間屋既中心點，用羅庚或指南針，找出自己間屋的西北面先。

繼續以一個組合式的佈局，催旺工作運。

用一隻白色陶瓷造的碟，上面放六個銅造的小財神，即係下圖呢啲。

淘寶或者上海街應該有，喺澳洲的話我就唔知了，因為澳洲是百冇，或許你就近的中式衣紙舖會有，可是會天價。

如果冇財神，就用六個乾隆銅錢代替啦，上海街幾蚊雞一粒架咋，銅錢表面越＂令身"越好，佈局時乾隆字面向天。

再冇咁點算呀？用六個１蚊啦，數字向天。

力量梗係財神第一，銅錢第二，１蚊銀最低啦。

有方位，有物品，日期同時間如下：

日期：２０２２年６月１０日

時間：８：３０ＡＭ［當地時間］

又係一個月期限，完咗自己記得撒走佢。

唔好以為係催財呀，啲股票唔關事架喇。

有效冇效，大家都唔一樣，在乎你間好的好壞，如果差到無倫既屋，也希望提升一下，但願幫到你手。

祝各位Patreon訂閱戶工作順利，步步高陞！

謝繼續訂閱. :)

P.S. ｛重要｝

｛｛｛最後補充，如果咁西北面是廚房，就唔好放，會有反效果！｝｝｝

注意：呢個陣也會有無效之情況，如果你份工要你打疫苗先可以返，而你又唔打，咁呢個陣就無效，因為一個小小的風水陣，敵不過一個國家之政策，阿們。