６月風水小貼士 - 流月催異路功名方法 (Patreon)

師傅今個月仲有佈局催異路功名。
以下又抄返之前嗰個月寫啲嘢先：

又又又解釋多次先，咩叫做異路功名呢？其實即係唔係正統讀書而得的名聲。例如，你讀書唔係好叻，攞唔到奬，但玩課外活動出色，考試科科唔合格，但打籃球你好叻好勁，喺學校無人唔識你，好似流川楓咁，呢啲就叫做異路功名喇。

又或者，你係做一定自顧人士，ＫＯＬ，網絡紅人，保險呀，賣樓呀，某行業或生意需要一些響亮的名氣，總之係好需要一啲名氣的，而又唔係官貴嗰種名氣，就都係叫做異路功名。

方法如下：

話晒新嘢，講返啲舊嘢先，先講方位。

係家中的北方，記住喺屋企搵出個中心點先，再用個指南針，搵出邊個位置係北方。

咁放咩呢？又係呢條黑色既龍，以木係最好的，不過相對地貴，咁如果嫌貴，可以用第二啲平的物料的，淘X也有很多，如果冇黑色，你返嚟ＤＩＹ自己噴黑佢啦。其實上次都用過喇，今次ENCORE！

日期：２０２２年６月８日

時間：上午６：３０ＡＭ （今次好早啊）

又係玩大概一個月啦，跟手拎走佢。

如果呢段時間，咁啱係需要谷大自己名氣的時間，咁就可以試下。又係嗰句，有冇效果，除咗睇你自己屋企係咪風水OＫ，你個人都要帶點運氣的。

希望大家喺呢個月既時間，可以跑到個名氣返來吧。