鄧麗欣與王子分手內幕曝光 (Patreon)

痴綫咩, 睇個標題, 以為師傅係好似01嗰啲記者咁咁冇水平咩?

其實是咁的, 啱啱見到有則新聞, 係睇到stephy同王子分手, 其實係王子偷食.

新聞連結: https://reurl.cc/RrvRpr

好喇, 咁又關我咩事呢?

其實唔係關我事, 係關命理事.

去年七月, 佢哋兩個宣佈因為相隔兩地, 而分手了, 跟住師傅就寫咗篇文去分析, 原因並唔係其他, 而係男方好有可疑有外遇.

文章重溫: https://www.patreon.com/posts/ming-li-sui-bi-53157699

你又會話, 師傅又係度認叻, 其實唔係, 重點係, 女怕揀錯郎, 其實男同女擇偶都一樣, 好怕同咗一個錯的人一齊, 就抱撼終身, 其實係架.

女的, 就最怕揀咗個渣男, 好似王子咁, 佢好難會穩定到感情的, 因為桃花實在太旺, 明暗桃花一大籮. 如果你唔知, 同咗佢一齊, 就大鑊, 拖下手仔睇下戲行下街冇所謂, 瞓埋咁都算, 最怕好似万刀甲咁, 將一個女仔的青春盡浪費掉, 唔鍾意就早啲講, 唔好一齊咗超過十年先分手, 人的青春有限.

所以, 懂得閱讀命盤, 知其一二, 其實也不是壞事.