５月風水小貼士 - 流月催財運方法 (快閃篇) (Patreon)

因為有訂閱戶錯過了時辰，所以加一個快閃篇，除咗可以幫佢解決返佢趕唔切佈局之外， 也可以幫到其他朋友。如你已經之前放好晒五月的流月局，咁你可以唔駛理呢一篇文章了。

呢個係一催偏財的佈局，有冇效係完全視乎你屋企的環境同埋你個人的運氣，如人好屋好，再推你一推，如你已是黑氣石，咁點推都唔會有顯著效果。

佈局詳情如下：
擺放物品：流水擺設一個，如果冇，放個香薰機或放濕器，如再冇，咁放杯水啦。

呢幾樣嘢喺力量上係有分別的，順次序，放杯水力量梗係最小。

方位：你屋企的西邊

日期：２０２２年５月１２日

時間：８：３０ＡＭ［當地時間］

自己計住，一個月後撤陣，拎走晒啲嘢，等下個月的新佈局。

免責聲明：戴返個頭盔先，呢個陣主要係增強個人偏財運，而且有冇效唔係必然，要視乎你佈局的單位風水本來好壞，或者你閣下本身個運程係咪已經黑過墨汁，而且更加不是鼓吹你去賭錢，亂咁投資炒股，又或者去一注獨贏全副身家盡買。記住，並唔係咁架。閣下記住，佈完局後，你工作上會較為順利，搵錢也得心應手，並不是叫你去賭身家呢。記住，後果自負呀！

謝謝支持。