命理隨筆 - 東張西望主持被打，喺命理上有冇得避？ (Patreon)

之前喺FB寫過一個題目，東張西望主持利穎怡喺節目度，被一個受訪者打傷，咁究竟，如果以命理角度去睇，呢單嘢，喺佢個命盤度，又睇唔睇得出？如果要避開一劫，又有冇辧法呢？

圖片：網上圖片

首先睇返佢個命盤先：

時日月年 運 年

吉丙戊丁 辛 壬

時申申卯 亥 寅

丙火生喺申月，呢個丙火等如太陽，生喺秋天，太陽都開始落山了，而丙火也自坐申金。點樣先可以喺呢個情景，得到命局中財的好處呢？

我哋唔知時間，咁唯有睇返年柱的木火，財旺就用印比了。

用神為木，忌神為金，藥神為火。

咁呢個大運係辛亥，財殺俱旺之地，事業上知名度提升係理所當然，但由於不見甲木，所以成名仍慢。

今年壬寅，以為見到寅中有甲木來生，咁就發達了？非也，當佢入局後，被月柱日柱兩申沖傷，用神被尅，而且壬水七殺來尅自己。壬寅流年，同原局月柱同日柱都天尅地沖。

所謂天尅地沖，即天干相尅，地支又相沖，一定有大事發生。

壬水為七殺，七殺為災劫，意外，受傷。

原局有戊土來尅架喎，唔係咩？戊土自坐申金腳仔軟，無力對抗。

咁丙火之印星寅木又被沖，力不敵壬水，所以必然會在今年出事。

講咗咁耐大家或許唔明既嘢，講下有冇辦法避過，或坊間稱之為改運的方法？

其實可以話有，也可以話冇。

當你知道今年會出事，會有受意外出現，也許會在工作上，因為月柱為工作崗位，咁即係你知道做嘢時有機會遇上意外啦。

咁凡你收到要出外訪問一啲怪人或難搞的ｃａｓｅ，就要同監製講，我唔接呀，俾另一位主持去跟啦。

咁樣做，即係行唔通，一係要入雪櫃， 一係被人炒魷魚。即係局住去做，一係自己唔做。

呢個都係一個方法嚟既，不過我諗唔會有人選後者，因為你都唔知會發生乜大意外，成日會認為，自己唔會咁唔好彩，好可能只係會奶細嘢，唔會奶大鑊嘢，又或者聽完師傅講，自己都唔記得，乜嘢通告都接，咁就會發生意外。

咁人總需要面對困難，唔通難做的通告就唔接咩？

啱呀，咁即係， 其實是避無可避，呢單嘢，配合埋佢既流年，一定係硬食，即係呢一下批掙，佢係一定會被批中的。