習大大訪港，從佢講話看出新發現 (Patreon)

香港七一回歸廿五週年，習大大訪港，呢啲新聞，都唔係師傅會睇的，七月一日，師傅梗係冇睇到香港既電視啦，下午溜溜，聽佢哋講話，等同催眠，不看也吧。

但在網絡上，看到習總今次訪港的近況，因為，郭家領導人，佢哋一般出鏡，都係精神奕奕，容光煥髮的。

拿，呢張相，我睇到後，覺得有啲唔太妥。

習總日理萬機，我唔相信佢有時間去海灘曬太陽。但相中習總，面色發黑且帶黃，健康方面，好大機會出現警號。

從面相看氣息，同中醫的望聞問切一樣，可以看得出和平時健康的人的分別。你會問，咦，做乜唔睇佢個八字呀，咁咪可以睇到啲端倪囉。其實師傅從來對國家領導人能公開的八字，存有戒心，佢點會咁順攤，俾佢個出生年月日時你。而且，大陸人在國內出生，啲生日成日都係假的，呢啲嘢我都俾好多人跣過唔少次。

仲有，國家級領導人，一向出鏡，個頭髮都係烏黑色的，就算幾老，都用美源髮彩染到黑，俾人一種領導人仍然十分精壯的感覺。但習總呢個頭髮，比起還未死去的江澤民還多白頭髮，喺佢哋的立場中，是不合格的。

見佢成塊面氣息發黑，加上頭髮也懶得染黑，可以推斷，習大大的健康，或許已經出現了一些訊號了。