疫後有感 (Patreon)

２０２２年年底，香港終於解除晒大部份的防疫措施，包括疫苗通行證，只剩下口罩令，聽聞農曆年後也會廢除。

師傅沒有很大的激動，因為去年這個時候，澳洲新南威爾士州也撤了疫苗通行證，不用兩針，也可重獲算由，而口罩令也在今年二月時也廢除了。師傅第一時間就是除掉口罩，因為長戴住真係好辛苦，抖氣都有點困難。

對於一眾０針人嚟講，呢個係一個喜訊。

如果大家仲有印象，師傅幾個月前曾經免費為大家以神喻咭來測事，呢，錄音嗰次呢。嗰次真係好深刻，因為有唔少朋友都係問事業的。

咦，問事業有乜咁特別呀？

因為佢哋都係０針人，佢哋都係因為冇打針， 唔係俾人炒咗，就係要停工，要師傅幫佢哋預測下，幾時先會過到呢一個難關。

其實師傅都係０針人，咁因為師傅自僱人士， 所以影响係可以話冇乜，曾經去睇風水，上到去同佢講，我冇打針喎，你介唔介意呀？好彩好多客戶都諒解，都話其實冇乜所謂。

師傅點解唔打？其實一開始，即係去年七月時，師傅對打針呢兩樣係完全冇咩概念，都唔知乜嘢針打乜嘢針，只知道疫情殺到嚟，嘩要打針了，否則病毒殺到埋嚟好大鑊，呢啲係電視同FＢ講嘅。

咁就上網做下RＥＳＥＡＲＣＨ啦，當時香港有科興同埋復必泰，咁澳洲嗰陣就只係得AＺ同埋ＰＦＩＺＥＲ，後來才有更多唔同牌子面世。

師傅都有睇一個中醫師的FＢ，認為佢所寫的嘢好中肯，可信。於是乎我就入去佢個FＢ度，睇下佢有冇寫關於打針的建議啦。點知一入到去，佢就係叫人唔好打，因為。。。總之有好多原因啦。

而且，佢仲喺ＦＢ度轉載住一啲打完有很重後遺症的例子。

師傅開始有點担心，於是乎都為自己抽牌占卜，睇下打邊一支針，係會較好啦，會較輕副作用。點知一抽，兩支都唔打得。

呢單嘢我應該有放上自己的FＢ吧。

好啦，咁唔打就唔打啦，咁師母本來就唔俾阿仔打，因為阿仔本來就有嚴重濕疹，而師母見我唔打，就聽完我講解原因後，都一齊唔打了。

咁當日，面對來勢洶洶嘅疫情，應如何自處呢？

於是我就SＥＮＤ ＭＥＳＳＡＧＥ問咗一個已移居英國的朋友，問下佢英國爆成咁，有冇迫人打針，打完針有冇咩副作用，中咗會點架？老人家同細路咗係咪好大鑊會死人架？

丫點知英國嘅朋友一早已領教完，佢話針就打晒，但一般冇強迫（不過好似有某啲職業要一定要求），唔打都唔會有人理你，中咗呢，小朋友發幾日燒就好。大人就辛苦少少囉，似係嚴重版本的重感冒，但一般都會在一星期前後都會好返。

吓，點解同我喺ＦＢ睇開啲新聞唔同架？唔同英國的病毒同澳洲的唔一樣？定係俾啲新聞老點咗呢？

講到呢度，提外話一側，尋日食嘢嗰陣，有兩個大叔好大聲咁講嘢，其中一個話：喂，無線新聞喎，會有假？另一個回答，吓，無線報架，咁應該係真架啦。

我想搭嗲架，不過算啦，有佢哋繼續是是旦旦啦。

好啦，講返正題，於是乎，知道咗原來武肺只是一場重感冒之後，咁就買一啲維他命呀，洋蔥素同埋綠茶素呀，咁日日食住，增強自己抵抗力，但有冇得做健身喎，其實強身健體才是皇道，政府應該係資助市民去免費做健身，而唔駛資助市民免費去打針丫，因為體魄應該係經過運動同健康的飲食鍛鍊出嚟，而唔係係咁打四五針當補品咁丫，以前有老醫師講過，是藥三分毒嘛。。。

食維他命，早啲瞓，健康飲食健康生活，就係師傅用嚟對抗武肺的最後手段。

咁直到今年二月，師母首先中招，咁我當時有個好大胆的想法，因為是OＭＩＣＲＯＮ，我哋可以一齊中，咁咪可以有抗體囉。

師母中咗，高燒咗幾日，之後轉低燒，大概十日倒，就好返晒，咁當然，中間有幾日也要經歷一啲重感冒的徵狀，但之後也完全康復了。

不過，師傅自己同阿仔，就一啲嘢都冇，屋內冇做隔離，但都冇受感染。

不久，澳洲連口罩令都撤埋，咁我哋就唔戴口罩出動了，因為師母中嗰陣，一家三口也是口罩不離口，但都係中，所以我已知，戴口罩都係防唔到，係點都要中架喇。

直至六月，師傅同阿仔真係中喇，已忘記邊個先中，而師母又再中一次。

阿仔好嘢，燒兩日就冇事。

師傅就金少少，重感冒幾日啦，好彩冇喉嚨痛，低燒又係十日，兩條線變一條線，但啲咳就搞咗兩個月先好。

咁所謂的長新冠或新冠後遺症，有冇出現呢？我可以咁講，腦霧呢，就係中之前都出現咗好幾年架喇，其他呢，並沒有。

至於因為打咗針而出現副作用的呢？以我所認識的，係有嘅，當中有嚴重，也有當時嚴重但之後冇事，有啲就冇咁嚴重，呢啲ＣＡＳＥ我就不詳解了，也不用對號座，因為咁而身體出現咗變化的，應該要去找個中醫好好調理，從而回復惜日健康體質。

喺澳洲，有啲０針朋友，已陸續回復正常，即係可以返返工了。在香港，也應漸漸復常。師傅而家人在香港，算好彩的，一落機，０＋０，已可以堂食，返到嚟冇耐，連疫苗通行證都取消埋。

咁打針係咪有用？係一個謎，因為仲未有真正長新冠出現，出現咗再話俾大家知。

師傅一向都係信奉人人自由平等，自己有自己的選擇的，打針也是，一切如是，每個人也有可選擇自己的路，正如我同你睇八字，將來的事，沒有絕對，所有的事，也是自己決定，師傅只是代入去你度，從你的角度出發，找個最好的選擇而已，一切最竹也是自己負責及決定的。

無論如何，疫情快將過去，一切將會回復正常，希望大家會遠離藥物，多啲出外做運動，增強體魄，均衡飲食，早睡早起，健康生活，咁咩嘢病毒都唔會搞到你架喇。

師傅報筆之時，已知大陸將於１月８日正式對外通關，大家也担心會否有大量新型變種劇毒流到香港及海外，師傅會密切注視，過兩日起支卦，睇下呢單嘢乜料先。