日記~27/3/2021 ~ 監房的生日蛋糕 (Patreon)

星期六  晴 星期六休半day，早上照舊工作啦，一早就被牛叫同雀仔嘈醒，明天又係星期日(大衛DAY)，今個星期輪到係細房活動，唔高興！！今日都係整理啲新歌結他譜，星期六食豬肉丸，真係難食到死！啲肉應該雪左千年，啲粉又有怪味，7份粉3份肉！已經入獄四個月，大家已經比較熟絡，有傾有講

星期六  晴

星期六休半day，早上照舊工作啦，一早就被牛叫同雀仔嘈醒，明天又係星期日(大衛DAY)，今個星期輪到係細房活動，唔高興！！今日都係整理啲新歌結他譜，星期六食豬肉丸，真係難食到死！啲肉應該雪左千年，啲粉又有怪味，7份粉3份肉！已經入獄四個月，大家已經比較熟絡，有傾有講，最難過的時候已過。今日又有人教怎樣自製蛋糕，估唔到又真係好好食，利用朱古力、麥餅、時時食（芝士）真係好食架！！出冊都要整下先！！要叫囚友安爺教我整！

監獄始終係資源短缺嘅地方，又為麵包爭吵一番，我冇資格出聲。下午殺完(巡查完)就沖涼，囚友們想沖涼就集合好，由職員帶住去一個大沖涼房，沖涼房啲熱水好像好了一點點，早前熱到可以燙熟一個人。沖完咪返去期數，好快就食飯，食完飯又去送漂水(工作一部份，因為我係清潔組，其他期數須要漂水及氯水，都由我們送過去，當然由職員帶住)，開心係三樓見到卡比獸(杜啟華)，可惜見唔到嘉豪，原來Ga-B轉去Ga-A，大家講下笑，講下鴻仔壞話，原本想攞結他，但執房冇時間玩啦！

一個神經質泰峰又被鎖，Ga-A à Ga-B à 洗水 à (因為鎖完水飯房就要轉期數)，佢千奇唔好來流倉，而新來Sexual被排斥要獨行，真係替佢擔心！