日記~26/3/2021 ~ 清潔組的工作 (Patreon)

星期五  晴 石壁啲雀仔真係好嘈，五點幾就吱吱喳喳，又被佢地唱醒，仲有牛牛加入，6:30起身囉，我都係晚上十點就瞓。個人工作已經唔使做(個人工作的意思係: 最低開始，一個人洗廁所，一個人掃地包括走廊及三間活動室，一個人拖地，完成這些就會等所有人一齊去清潔)，大圍清潔由四樓開始、三

星期五  晴

石壁啲雀仔真係好嘈，五點幾就吱吱喳喳，又被佢地唱醒，仲有牛牛加入，6:30起身囉，我都係晚上十點就瞓。個人工作已經唔使做(個人工作的意思係: 最低開始，一個人洗廁所，一個人掃地包括走廊及三間活動室，一個人拖地，完成這些就會等所有人一齊去清潔)，大圍清潔由四樓開始、三、二及地下，共13人分別掃地、抹窗、拖地，如果耍出花園，要清垃圾桶及清洗雀屎，如果想用手套/手襪係可以，所有清潔物品，例如氯水、漂水等都有。今日工作完便去藥房換眼藥水。

下午出球場玩，預早通知我有排球打，所以急不及待，第一次穿短褲同鞋去打波，一個足球冇曬皮，又好好打喎，佢地話聲哥(懲教職員)為我而設，有排球喎好開心，聲哥同我打咗好耐，足足超過一年冇打波，真心可以打到一次，心滿意足，多謝囚友(軒仔，賢仔)為我的安排！！

沖完涼就食飯了，Sexual (性罪犯) 個位今朝又被人罰，係操場又被人罰，食夜藥又叫佢跟住我，唉糧尾啦！明天比佢地啦！！(性罪犯係入面必定受人岐視同欺凌，出糧都會被B仔攞晒)

今日收到妹妹兩封信，有部份歌譜，開心開心，因為星期日可以玩下一啲新嘅舊歌，新收到的係一啲好舊嘅歌！！