日記~5月13日 ~ 原來車衣期車囚衣 (Patreon)

星期四 晴（熱） 昨晚係來到赤柱的第一晚，都叫訓得唔錯。赤柱倉房四面都係牆，只有一個實心鐵門，及一個約24x24吋的對流窗，約有三米高，夏天相信會好熱。昨晚入倉都覺有小熱，訓著就剛剛好。 一早就送飯比我，食完閈飯由新人組安排很多會面，先安排去醫院見醫生，說明食藥時間會跟外面醫生指

星期四 晴（熱）

昨晚係來到赤柱的第一晚，都叫訓得唔錯。赤柱倉房四面都係牆，只有一個實心鐵門，及一個約24x24吋的對流窗，約有三米高，夏天相信會好熱。昨晚入倉都覺有小熱，訓著就剛剛好。

一早就送飯比我，食完閈飯由新人組安排很多會面，先安排去醫院見醫生，說明食藥時間會跟外面醫生指示更改為下午派藥，我向醫生回答，準時便可，唔好相隔太遠就得。之後就到全身赤裸檢查，檢查你有冇鑲珠，江門有冇比人搞過，身上有冇任何紋身……等等。檢查完就見新人組阿頭，講完一大堆廢話，就決定我去車衣期。

職員帶我去到車衣期時，面積真係好大約有幾萬呎平方，期數有五十幾人，只佔用四份一地方，期數有成四十幾部衣車，當中有三份一人係O.N. （Other nationalities），當然B 仔會來同我又講一大堆，B仔叫可樂仔，原來佢都係石壁過來，佢講左一啲懲教嘅管理手法我知 (原來監獄車衣期就係車囚衣)。原來好多囚友都好怕黃人，原因好多前黃人都喜歡投訴，所以搞到好麻煩，搞亂監獄原有秩序，所以B仔可樂都解釋比我知。自己始終係新人，我又唔太喜歡理人閒事，自己安安份份過埋餘下五個月便算。

在車衣期看到了一位很熟悉的面孔，連聲音也很熟，但暫時未想起。午餐在指模房食，晚餐就跟期數一齊食，原來決定去車衣期之後，我又要轉返去車衣期的房間，於是一食完飯，職員便帶我去房間收拾好，再去新的房間，而結他要交比職員保管，逢星期日及假期才可以攞返來玩，跟小欖一樣，但石壁就係自己保管，所以每個監獄都有小許不同管理。

去到新房間，清潔完就寫信通知家人過左界去赤柱，所以之前訂的報紙又要更改店舖，上次剛剛由石壁轉小欖，今次又由小欖轉赤柱，完全係唔同的報紙檔。最重要的一封係寫返去石壁流倉個B仔，因為我借左本書比其他囚友，根本無機會攞返，只好叫他幫我寫返個書名，等我放學後可以買返本書。雖然仲有郵票，但因為過界關係，五月的糧就出唔到，要下一期六月一齊出啦！攰了，大約9:30聽住貓仔就訓啦！