Home Creators Posts Import Register Favorites Logout

Content

温度只有幾度,即使我晚上關晒所有窗,但始終去到清晨四、五點嘅時間,就好像有一股寒氣由上而下穿過身體,無論你有幾多件衫幾多張被,都會被清晨這股寒氣弄醒。對於一個冇單位、冇糧、冇煙嘅人來說,係一個冇價值的囚犯,所以冇咩人會過來理我。今朝一早約五點半,有職員叫醒我話食早飯,原來今日要出

温度只有幾度,即使我晚上關晒所有窗,但始終去到清晨四、五點嘅時間,就好像有一股寒氣由上而下穿過身體,無論你有幾多件衫幾多張被,都會被清晨這股寒氣弄醒。

對於一個冇單位、冇糧、冇煙嘅人來說,係一個冇價值的囚犯,所以冇咩人會過來理我。今朝一早約五點半,有職員叫醒我話食早飯,原來今日要出Clinic(覆診)。食完飯執好嘢,就去指模房等,原來因為石壁係冇直車出去Clinic,所以必須早一日去荔枝角訓一晚,第二日睇醫生,再訓一晚才回返石壁,今日星期三,即係最快星期五會返,所以要執好行李。

一大堆手續,打指模,全身赤裸搜身,檢查物品,再上手扣見大sir 就上囚車,去到荔枝角,又一大堆手續,打指模,全裸搜身,安排好就係籠入面等。原來囚車係由石壁出發,再去塘福接人,跟著去碼頭接埋由喜靈洲坐船的戒毒囚犯,一齊去荔枝角(由於早前大嶼山係未有青馬大橋,必須要坐船去荔枝角,所以統稱我們為“水路”)。大約12點左右,就安排好活動室,一上去9R就開始食包妹,石壁/塘福同大洲都在同一期數活動。

大家來自不同監獄,但大家都清楚監獄的規則,我早上未食藥,可以同阿sir講要求食藥;未沖涼的可以同阿Sir講要求去沖涼;遲來未食飯也同樣要求阿sir補返一份午餐。所以有職員講,我地先係老闆,因為我地要求什麼,佢就要去安排!

來自大洲的朋友我是第一次接觸,他們是入去戒毒,當然好大煙癮,他們一見到有人點煙,就走過去,曾經有一位過來問我有冇煙,可以賣份牛肉比我!可惜幫佢唔到。

荔枝角始終係一個熟悉嘅地方,只係人唔同左,原來去過真正監獄再回頭比較,荔枝角職員比較友善,原來因為荔枝角有仟幾人,石壁只有三佰幾人,當然荔枝角忙到甩碌,邊有人理你,相反,有職員會主動同我地傾計,佢話大家都係同一地方,睇同一電視,佢職業係陪人坐監,一笑也吧!我相信任何地方,總有黃人也有藍人!食完晚飯,又係返回F3 訓教,我係單人倉,保管好自己財物,眼見有人帶左好多零食過來,而我只有帶日用品及一本書一本日記簿,晚上攞完房,睇吓書就訓,點知隔離位大叔鼻鼾大到行雷咁,訓吓醒吓!

Files