Home Creators Posts Import Register Favorites Logout

Content

清晨五點多,職員就來叫醒我食早飯,原來今日一早要去覆診。早飯完了,換好衫,就等職員開閘帶路,七點多到了指模房,又要做一次外出手續,打指模,全身赤裸搜身,換上藍色衛衣,藍色長褲,等見大佬,上鎖,完晒呢啲之後,已經是十點多,囚車到,上囚車去醫院(補充:上手扣唔止鎖手,而係雙手上扣後,

清晨五點多,職員就來叫醒我食早飯,原來今日一早要去覆診。早飯完了,換好衫,就等職員開閘帶路,七點多到了指模房,又要做一次外出手續,打指模,全身赤裸搜身,換上藍色衛衣,藍色長褲,等見大佬,上鎖,完晒呢啲之後,已經是十點多,囚車到,上囚車去醫院(補充:上手扣唔止鎖手,而係雙手上扣後,垂直係腰部,再把腰部包圍連同雙手一併扣住,如圖片二)。去到醫院,有兩位懲教職員帶住一個囚犯,職員會攞住我身份証去登記處辦理手續,之後醫院也有特別房間比囚犯等候。唔使三十分鐘就可以見護士先問情況,護士小姐問我咩事入獄,我答雷射筆,護士反應係「入到去一定係洗廁所,辛苦你啦!」我好感動,原來依然有好多唔識嘅人關心大家。再問食藥情況,我答非常不定時,她說會向醫生報告,之後再等一陣見醫生。當見到醫生時,醫生問我「有冇準時食藥?」我話經常唔準時,因為我住舊翼,一日係新翼食早飯就可以食到藥,如果個日係舊翼食早飯,就要下午派藥先可以食到藥!(因為我係單人倉Single Cell,係612獄前講座教我如何申請)。好似昨日,早上一早過界,下午都未返到期數,所以晚上夜藥才補回(即晚上九點半)。醫生知道後,立即大聲說「你地點可以咁唔準時比病人食藥架?」我只有會心微笑,原來懲教署都幾怕醫生,職員係咁話懲教有一定規則,不如晚飯派藥時食就可以準時,於是醫生開了醫生紙,指明我必須要在下午四點至六點食藥!我又借機會問醫生攞漱口水、類固醇藥膏、真菌藥膏、眼藥水...可以攞就盡量攞,因為要入面嘅卜街醫生攞就難,而且外面醫生指示,佢地唔敢唔做,因為如果囚犯有咩事,佢地會好大鑊。見完醫生,等攞藥,一切都有人服侍,幾好!但要克服別人望我的眼光也不是一件容易事。平時要等個幾鐘先攞到藥,但今次五分鐘就攞齊,原來懲教可以提出攞快籌,即係有特權可插隊,唔怪得平民要等咁耐,連囚犯都有特權!在門口等囚車,同職員一齊去廁所,職員都係人,大家有講有笑,其實同“狗”有好大分別。返到荔枝角,又重覆一次,仲要入消毒室及X光機,之後就返期數食午餐,時間約一點左右!今日係大除夕,到底監獄內新年有冇慶祝?原來係冇什麼慶祝發生!在期數大部份係戒毒者,所以都係自己睇電視算!晚飯後,到派藥時攞左三寶(感冒藥)食完就訓,荔枝角舊翼三樓,曱甴橫飛,漏水,地面濕淋淋,訓係馬桶旁邊,牆上大堆霉菌,水喉滴水,囚犯就係住係一個咁嘅地方。PS: Single Cell 單人倉的好處,唔會比人偷嘢,唔使大便比人望住,唔會有鼻鼾嘈住,寫信睇書聽收音機都會自在好多,有一個屬於私人空間。

Files