日記~14/1/2021 /監獄內學新嘢/牆外做嘢繬內要還 (Patreon)

晴 最高19°C今日才知道今日才知道其中一名囚友原來是製毒師傅，佢外表好斯文，講嘢唔大聲，佢係非吸煙嘅少數，年約5x-60歲。我同佢都有傾計，等我搵個機會問下佢製毒原料及過程先。(唔怪得當我第一次來到監獄時，新生組沙展同我講，係監獄可以學到出面學唔到嘅嘢，所以好多人出出入入監獄

晴  最高19°C今日才知道

今日才知道其中一名囚友原來是製毒師傅，佢外表好斯文，講嘢唔大聲，係一位非吸煙嘅少數囚友，年約5x-60歲。我同佢都有傾計，等我搵個機會問下佢製毒原料及過程先。(唔怪得當我第一次來到監獄時，新生組沙展同我講，係監獄可以學到出面學唔到嘅嘢，所以好多人出出入入監獄，因為學到新嘢)。我平時寫信都只能夠報平安，但寫日記就可以寫真嘢，唔洗係噉比人退信同埋收到口頭警告。

石壁啲沖涼房有A，B同埋C三間大房，有20幾條喉左右。另外，倉入面有一間細沖涼房，入面有6條喉左右。第一次喺石壁沖涼就遇上「劏雞式熱水」，根本沖唔到涼。而ABC沖涼大房，啲水一係凍，一係就熱到劏雞噉，我只好慢慢用毛巾攞啲熱水再冷卻後淋落身，通常15分鐘後，水温才能回復適合沖涼溫度，但係又時間差不多要走，總之係一個鬼地方，真係比野外求生還要頑強。

監獄內每個鎖都用double lock，即係有兩個匙孔，要用兩條唔同嘅鎖匙先開到閘。每晚在囚人士回房之後，職員lock第一層，之後到大約八點半，高級職員lock第二層，早上如是，有高級職員喺七點解第二層，七點半再解第一層比我地出倉。今日偷聽到職員講，因互聯網話”石壁”係「無掩雞籠」(應該係放左學嘅手足係網上發表)，囚友可以自出自入。所以平時無上鎖為方便清潔工人行走的閘門也上了鎖，每次出入必須由職員開鎖，職員真係一日開超過三百次閘，因為我係做清潔，平時我過閘拖地就只係自己推開，耒完就自己推返埋就得。而家就變左要call 職員開閘，要等職員來監督拖地過程，完成後再由職員鎖返個閘，麻煩了很多，難捱。

由這一件事可以令我深深明白到，當外界有什麼舉動時，懲教都會有所反應作出不同的應對。即係牆外手足做嘢，繬內手足要還。