監房遇到執骨師傅 (Patreon)

一位來自大陸的非法入境者，作者在荔枝角時，認識這位同倉的非法入境者，原來他是一位執骨師傅！原來係非法勞工，好多工頭都係將近出糧就會報警拉佢地，這位師傅也有同樣遭遇。由於他無人探訪，無物資，所以冲涼時作者會share 自己的皂液、洗頭水比大家用（包括其他非法入境者）。作者一有機會就會問佢地有冇靈異故事，有部份非法入境者係油麻地果欄做嘢，咁果欄鬼故事就下次先講，今次主角係執骨師傅，佢有六呎高，身形壯健而來自廣州，黑黑實實，手掌粗壯而且粗糙，摸上去同摸到泥土質感無異。首先問點解會來香港做執骨？你唔驚？佢回答:「我係服務佢地，點會驚呢！」 原來香港執骨大約有五佰至七佰一副，一日執三副對佢地來講係非常高人工，不過我知應該有仟幾蚊一副，當中判上判，有人從中取利。他習慣唔用手套就咁執骨，因為執骨要晒住做，所以皮膚都比較黑！人骨有幾多塊已經唔記得，原來男女係唔同。執骨也有程序，由脚執起去到最後先係頭，每片骨頭都要數住，不能小，小左會好麻煩。作者當然問佢小左會點？有冇靈異故事先？入正題啦！

有一次執到手指骨個陣，小左一塊，左揾右揾都唔見，突然有人拍佢背脊，轉頭一望，後面冇人喎，當再轉身時就發現原來個塊手指骨鈎住件衫，所以應該係個靈體拍佢話比佢知。作者問會唔有時化唔晒有啲肉留係到，佢話機會好小，一般都化晒，通常佢地會開棺時，先打開一條隙縫，等空氣入去先，就好似變魔術咁，細菌遇空氣，一般情況下會即時化晒，如果真係化唔晒就要用刀割。

 另一個靈異經歷，都係發生係廣州，一位年輕跳河自盡少婦，執骨時佢見到人地張相講左一句都幾靚女，咁就大獲啦！當晚發夢見到佢，個少婦要求幫佢報警，初時當然唔肯，但係越來越嚴重，初時係夢，但越來越實質，例如坐係床邊搞到濕晒（好在佢做執骨，冇人肯嫁比佢，三十幾歲人仲係單身，唔係會嚇死另一半），唔止張床，甚至梳化，通地都濕漉漉，放工仲要抹地，起身又抹，過左成個月，終於忍唔住，同個靈體講，「要點幫你？」個靈體在夢中講出所有資料，姓名，住址，丈夫為了工作，一年只回家數次，她要告個奶奶虐待暴打，要佢由朝做家務做到晚，又冇飽飯食等等，受不了精神加肉體折磨，最後投河自殺，佢要求執骨師傅幫佢報警討回公度，這個當然有難度，邊有人會接受幫靈體報案，當然執骨師傅結果比啲警察話佢痴線，報案又報唔到，另一邊又比靈體纒住，終於有一晚，個靈體叫佢而家即刻去報案，執骨師傅初時唔肯，差不多半夜兩點喎！最後都係應佢要求去差館報案，因為當時有個新仔當值，為了想升職，正式落案就唔可能，只有自己寫低紀錄，私下去調查一吓先，個新仔係咁回答，執骨師傅也只好向靈體回覆，果然，她冇再現身。過左個幾兩個月，個新仔警察打比師傅叫佢去差館走一趟，原來已經查証及正式落案控告個婦人傷人(原來有打過個少婦靈體）／虐待／禁固／等等，但原告已死，只好作一個原告表哥(執骨師傅)，收到表妹求救信，於是報警調查！

仲有一次，因為啲肉化唔到，要用刀割啲肉出來，再用水洗乾淨，師傅又多口講句，咁割法一定好痛，結果，夜晚訓訓吓，手臂位置真係好似比刀割左啲肉出來咁痛，佢話痛到颷尿！自始之後，執骨時都唔敢多口！