日記~15/1/2021 /製毒? 全港最大的黑社會 (Patreon)

晴21°C 星期五好快又半個月，囚友及職員我也開始熟咗少少，也開始多咗嘢講。原來一個平時好斯文唔多出聲嘅囚友，連煙都唔吸嘅，係一位廚師(製毒師傅)，我稱他為老師，因為我經常請教他如何製毒，抱住一個好奇心。原來霹靂可卡因係加油加梳打粉去煮，可以粉狀也可以液態。而冰毒係全化學制，左溝

晴21°C 星期五

好快又半個月，囚友及職員我也開始熟咗少少，也開始多咗嘢講。原來一個平時好斯文唔多出聲嘅囚友，連煙都唔吸嘅，係一位廚師(製毒師傅)，我稱他為老師，因為我經常請教他如何製毒，抱住一個好奇心。原來霹靂可卡因係加油加梳打粉去煮，可以粉狀也可以液態。而冰毒係全化學制，左溝右溝之後，放埋一邊等佢結晶。(放心，我只係好奇唔會做) 因為在製毒時會發出極酸氣體，吸入會令冗肺受損，及雙手會被極酸侵蝕。

其實好多囚友都係因運毒入咗石壁，坐親都十年廿年的甲級重犯。有好多不同的囚友在操場散步閒談時，都告知其實毒品調查科就係最大莊家，根本同毒犯講好數，每月交幾多保護費比差人，當大莊要做戲拉人交數，會傾好今次拉幾多人交幾多毒品比大Sir升職，根本佢地一直都係一個全港最大的黑社會機構，叫佢地「死黑狗」唔會錯，黃毒賭都有份。 而黑社會就會搵啲十幾廿歲，想搵快錢的出去送死，他們都覺得係有人通風報訊，如果唔係無理由會咁岩截查。

我有好多嘢寫但係唔可以用信寄出去，只有寫做日記話比自己知，希望日後有機會出書告知天下。用劏雞嘅熱水沖涼真係好煩，但冇法啦！今日來咗個犯風化案嘅肥仔，搞14歲小朋友。初來的滋味當然冇人同佢傾計，但見到佢個樣，可能會覺得好慘，尤其佢係同性戀者。囚友個個議論紛紛，如果搞女仔，就可能有人會打佢，最多加監3日，橫掂十幾年，3日豪比佢喎！

眼見有七成人都係廿幾三十歲，四至五十以上得2至3成，佢地有冇諗過將來呢? 喺監倉樂天渡過，每天打棋/睇電視/打乒乓波/有些人話讀書但眼見唔勤力囉，其實獄中只係一個小社區一樣。是否正如荔枝角啲職員講，其實坐開監個啲人，來來去去出出入入圳都係個啲人。