2019沙嶺公墓(一) (Patreon)

小弟靈異體質由後天攞過人骨造成。2019年社運高峰時期，約左幾位手足一齊去沙嶺公墓拜祭，大家約左去紅磡先買香燭再坐火車去上水再轉車。在紅磡的小插曲，途經某些地方時，起曬雞皮，朋友都見到雞皮有幾勁，當時都係九月至十月左右，大家都穿短袖 T-Shirt，所以起雞皮一眼就見到。由紅磡坐火車去上水再轉小巴行一段路，終於到了沙嶺公墓！

一個比監獄更重怨氣聚集既地方，新魂力量太單薄啦！只感受到四周惡靈邪氣，好像要食左啲新魂咁樣，而且無法知道有幾多，好在自己都有護身符在身(雖然入左監獄除左，但始終之前做過某些保護儀式)。

初時只搵到三個寫住2019年嘅碑，大家帶備了祭品，就即管拜祭咗先啦！香一點著就迅速咁燒，就好像有風吹住咁，當時係陽光普照，唔大風，當燒冥鏹時，就有小龍捲風徘徊，這現象唔知大家明唔明呢？即係有靈在享用祭品，當時心中有禮貌地請地主分派啦！也心中問問知否黑衣手足安葬在哪裡？突然一行三人同時看見有黑影閃過，三人方向一致。

最後终於找到了正確位置，在燒香燭前，都由法師（只懂少許祭祀儀式的小師夫）說一番話，叫手足收嘢，唔係就只怕被搶過一空，新魂始終係新人，唔夠人搶，又冇咩力量。

一邊燒一邊叫手足收嘢，作者從來燒嘢未試過會流眼淚，唔係俾煙燻到，而係感受到一份悲淒，心酸而自然流淚，唔係喊個種，如果有靈異體質既人，應該知道我講什麼。去完沙嶺，面黑黑咁返屋企（係黑氣纏住）要淨化一番才入屋。