元朗山貝村的無記憶見靈體 (Patreon)

呢件係作者無冇記憶嘅靈異經歷(太細個)，只係由媽媽，爸爸同爺爺講返出來。作者係元朗出貝村出世，六十年代，而且係一條老村，未有自來水，村民要去井頭打水，大約一歲左右就搬走左，因為爺爺係做三行判頭，所以村民都揾返爺爺建屋，就係咁，大左之後先有機會返去舊屋走走，村民都會傾吓講吓。

舊地重遊，當年家中有爺爺嫲嫲，父母及哥哥姐姐一齊住，當年家姐五歲，哥哥兩歲，我得幾個月大。家中環境唔太好，爸爸同媽媽都跟爺爺去幫人起村屋賺錢，家務就由嫲嫲打理同照顧。

媽媽放工都要煮飯，有一晚，食完飯之後，要去井頭打水，因為要洗碗，冲涼等等！媽媽就用孭帶孭住自己去打水，嫲嫲就睇住哥哥姐姐，當時家中還未有電視。

去到井頭打水，先掉個桶落井，再用繩搖吓個桶令佢入水，最後要彎腰將桶水垃上來，當媽媽彎腰時，自己突然由媽媽背脊好似玩滑梯咁“sir"左出來，好快就“sir“過媽媽個頭準備跌落個井，媽媽立即放手唔要個桶，係最後一刻捉住隻脚仔，即係捉住一隻脚將作者倒吊係井口上面，媽媽都來不及定神，一顎高頭，就見到一個女人企係對面望住媽媽，當年冇咩街灯，睇唔清佢個樣，衣服係小鳳仙裝，短而曲髮型，類似半透明咁，媽媽話一見到佢，就比我爸爸一巴打過去，媽媽問咩事？

媽媽見到爺爺都係到，爺爺立即抱起自己，爸爸拉住媽媽返屋企，奇怪係作者冇喊過一聲。根據爸爸說法，就係因為見媽媽去左打水，但超過半粒鐘都未返，所以同爺爺一齊出去揾媽媽，去到井頭見到媽媽一個人呆左咁企係到，仲倒吊緊作者，以為佢想掉左個仔落井，爸爸叫極都無反應，先會一巴打醒佢！之後就由爸爸打水，原來好多村民都係井頭見到個隻女鬼，於是先安個神位係井頭！另外村口棵樹，聽村民講，有時入村時，都見到一個，二個吊住係到。過了不久都搬走了，唔知高靈朋友見唔見到啲乜乜係井頭到？