日記/19/1/2021~監獄內的消費 (Patreon)

星期二 晴 18°C監房有監房的秩序，呢點應該不難理解。之前2019年12月27日蘋果日報A5版所講的懲教署管治方式，部份我認同。入得監獄，大部份都係有黑社會背景，粗口每句都有，古古惑惑咩人都有，點會有我地班讀書人嘅地位。我們比較文靜，聽教聽話，我自己在一個月的石壁能夠做到朋

 星期二  晴 18°C監房有監房的秩序，呢點應該不難理解。之前2019年12月27日蘋果日報A5版所講的懲教署管治方式，部份我認同。入得監獄，大部份都係有黑社會背景，粗口每句都有，古古惑惑咩人都有，點會有我地班讀書人嘅地位。我們比較文靜，聽教聽話，我自己在一個月的石壁能夠做到朋友，我都覺得神奇。可能我豪冇機心，報紙樂意分享比其他囚友睇，而牛肉我唔食攞去賣(2支煙)，又要交倉煙，仲有剪頭髮都要比2非，呢啲都係地下交易，但懲教係默許。自己識做，自然兩個B仔及囚友對我印象應該唔錯。早上照常工作，當我去一號休息室換垃圾袋時，一位年長囚友(一位我行我素的人)望都唔望就將掃完地垃圾倒入去垃圾筒，筒底有好多新的及乾淨的垃圾袋全部都污糟曬，即時比兩個B仔屌到七彩(已經好唔妥佢)即時投訴結果有「邦板」訓示一番，兩個B仔都叫佢走唔好係到，可惜大家都冇得諌，表現好激動。獄中多了很多我們的讀書人，反而另到佢地不知所措，原因係太斯文啦! 黑社會有黑社會規舉，以黑制黑係屬於正常運作，讀書都有班主任同班長，我覺得係咁樣!今晚又踢竇東西亂七八糟，好在我冇什麼犯規，冇東西被拿走，上次攞走曬我啲橡根，今次反而冇，執返好啲嘢，好在我東西較小，容易執拾，其他囚友又大叫小媽擦蟹。