年初一監房食啲乜？可否派利是？ (Patreon)

今日大年初一，相信好多朋友都會食齋。今日見到呢碟齋，就令我想起，係監獄內年初一都個食齋，而且大家都會互相祝賀一番。雖然監房內禁止私相授授，但在新年其間，年長的都會派朱古力／餅乾／花生等作為利是咁派，懲教職員也會當睇唔到，私底下暗中默許咁做！年初二就有雞肶食開年飯，監獄內一年有三隻雞肶，其餘兩隻係平安夜及中秋節！所以雞肶係監獄內價值一包煙（即二十非）。小弟雖然只有十個月刑期，但剛好食晒三隻雞肶（12月1日至9月24日，在囚三佰日），但小弟從來未真正食過雞肶，因為每次都有人出價同我買隻肶，心想，我只有十個月，出去食幾多都得，但佢地十幾廿年，一年先得三隻，所以每次都賣比佢地，換煙之後，我可以買其他食物，例如蛋撻/奶茶/甜酸魚/豆鼓雞等等！監獄並非外界所想，其實入面係一個高消費嘅地方，黑社會目標只有錢，為了控制黑社會，懲教用左比佢地揾錢來控制佢地。“劃飛” 一千蚊八包煙，兩件蛋撻加一包奶茶就要十非煙，計吓條數，即係（1000蚊÷ 160非，平均一非6.25 ，十非即係62.5）！要生活得好啲，錢係監獄內係好重要！