日記～2021年1月24日／打開迷底 (Patreon)

星期日如常出倉，由舊翼去新翼7R食早飯睇電視，認識了幾位來自石壁囚友，同枱食飯傾計，好味，開胃，原來有朋友一齊食飯真係會胃口好啲。 飯後，我自己睇書，突然職員問我咩事入來，照直答“雷射筆”，同職員傾左一陣，佢一句“你一早比人影左相”啦！回想2019年10月，小弟去了沙嶺公墓，之後得知狗隊內部傳緊我一張照片，（遲小小再出文章解說）迷底打開了，點解審完會放我繼續保釋，到判刑時強詞奪理，強行罪成，正如當日狗隊話“係律政署要告你”一樣，係律政署要搞我，慾加之罪，何患無詞。再加上黃議員做人証，黃色大律師，黃國桐律師行，加加埋埋，唔判入獄就奇啦！心想，好在係和平嘅情況下被捕，如果在前線或理大內被捕，仲大獲！判期又點止15個月呢？之後同某某囚友傾計，Talha（土耳其人）話佢有噪音，又長氣，話呢啲係石壁語言，笑死我啦！哈哈！係荔枝角寄左兩封信，因為時間太多了，一封比家人，一封做日記，都係講囚中生活及沙嶺公墓比人影左大頭相之迷，點解要係荔枝角寄？因為石壁太嚴，經常彈我信，話我講太多監獄內的私隱，所以係荔枝角寄，應該太多信，冇人手續封睇，石壁得三佰幾人，而荔枝角有仟幾人。晚上返回單人倉，同旁邊幾位囚友講鬼故！