日記~1/2/2021~消耗時間浪費青春 (Patreon)

晴 星期一 15至22度今日準備出荔枝角覆疹，早上六點幾就有職員通知我，下午出車。早上照常工作去到11:45AM左右，就有職員帶我去指模房，今日係指模房食粥同包，一大堆手續真係好麻煩 (因為每次出入即係要將犯人移交，所以都要做一大堆移交手續)。荔枝角分新翼舊翼!!!今日大家都好

 晴 星期一 15至22度

今日準備出荔枝角覆疹，早上六點幾就有職員通知我，下午出車。早上照常工作去到11:45AM左右，就有職員帶我去指模房，今日係指模房食粥同包，一大堆手續真係好麻煩 (因為每次出入即係要將犯人移交，所以都要做一大堆移交手續)。荔枝角分新翼舊翼!!!

今日大家都好快手，好快處理好，今次同一位相識嘅囚友一齊去荔枝角，都好，有個熟人無咁悶。搜身、等囚車、上鎖、去塘福接人、去昂船洲接喜靈洲嘅囚犯、去到荔枝角已經係4:30PM。好在有來自石壁的囚友傾吓講吓，一直係荔枝角指模房，做完手續就係到等、等、等….. 其實係監獄就係等出獄，係消耗時間浪費青春。約7:30PM就有職員帶我地由舊翼去新翼水房沖涼，職員今次係水房派飯，水房有位食飯? 係無，監房就係咁，自己諗掂佢啦! 大家就只有用各式各樣的方法去食這一餐。

其實今次同行的石壁囚友，係一位肥仔，佢係一位同性戀者，因為擁有兒童色情物品，而佢男友係未夠18歲，由對方父母報警，即使他們是自願的情投意合的。當有性罪犯入獄，其他囚犯就會好開心，囚為他們會被視為玩具，扣糧扣肉，水房被打….

係新翼水房食完飯，之後就要去舊翼3F 單人倉，可能唔同覆疹來荔枝角太密，在3F又見到兩位上次見過的朋友阿文及阿榮，大家又可以傾一番，我地四個都相識，雖然大家都明白係萍水相逢，都算是投契。

今朝清潔時已經見到三隻蟑螂，剛才係荔枝角又見到，天氣回暖，監獄係一個污糟嘅地方!! 我發現身體心口出現紅疹，敏感呀，要同醫生講。