日期~3/2/2021~監獄內的餐單 (Patreon)

昨夜不能入睡，好似落雨咁聲音，又有O.N.傾計好撚嘈，唔好以為單人倉得你一個，可以安靜啲… 其實只不過係一個獄個倉平排。跟住又有職員喺閘外望住我，我唔知點解會知，我起左身望住佢，佢叫我唔好襟住個頭訓，我襟住個頭訓都感到佢嘅氣場。每隔一定時間就有職員巡邏，有人大力咁踏地，有人玩用棍，邊行邊敲鐵閘發出聲響，正一仆街！（其實原來冇落雨，只係啲風扇聲）早上由舊翼返到新翼7R見到同車來的石壁之友O.N. Michale 話同我交換西餐，我答應including dinner ，來到荔枝角始終比較多小小自由。食藥時亂七八糟，返石壁要再同職員對一次，由早藥改為晚藥，只要有醫生紙，懲教必定要跟。上次職員有同我講眼科藥點處理點樣食法，但今次講都冇講，就咁加咗我粒新藥便算了！明天我返石壁，阿文去小欖，阿康(阿肥)未走得，阿榮仲未走，相信好快又返來覆診！上次識嘅Talha今次又見面，遲我一日到，自然遲我一日走。今次又識了German嘅O.N. Vincent，可惜幫唔到佢。個大陸佬王大大（化名）乞人憎，講咗換餐，飯一到即食，大話精，因為佢地唔識英文，啲ON又唔識中文，我只好充當Translator ，交換餐食係唔可以，但係荔枝角就唔會理我地。監獄中有四類餐，入獄時要選定，中途改比較困難。條大陸佬又話一個月十幾萬！超！好快又要同大家分開，天下真係無不散尸之筵席！其實今日啲西餐食羊肉，都幾好味，味道比中餐好得多，起碼有味，中餐淡到好難食！（exchange）今日老細Ka Lun加倫哥其實好好人，希望下次（同埋tree哥都好好）再見到！第一 : 中式常餐第二 : 咖哩餐第三 : 西餐第四 : 齋餐見到啲餐，你想食嗎？在囚者幾唔想食都要硬住頭皮去食，即使含住眼淚也要食！