日記 4/2/2021 ~ 沖涼時潑來潑去（苦中作樂） (Patreon)

晴 星期四 23°C 昨晚係最好瞓的一晚，可能前晚個職員發神經，不過今早又一早食早飯，六點未夠就要食飯！因為今日返石壁。荔枝角指模房見到阿文，傾下佢單野，真係無辜！（佢係一位老師，在一次學校宿營，只係有兩個無知嘅學生見到阿文除左A條褲搞A條J，大家瞓係到點除到條褲? 最好笑係A的

晴 星期四 23°C昨晚係最好瞓的一晚，可能前晚個職員發神經，不過今早又一早食早飯，六點未夠就要食飯！因為今日返石壁。荔枝角指模房見到阿文，傾下佢單野，真係無辜！（佢係一位老師，在一次學校宿營，只係有兩個無知嘅學生見到阿文除左A條褲搞A條J，大家瞓係到點除到條褲? 最好笑係A的口供，係自己完全唔知道有件咁嘅事，而係由嗰兩個喺到傾計再俾其中一位同學聽到，再S話俾社工知而報警揭發）太多疑點啦！祝佢上訴好運。十一點九左右已返到石壁了，沿途同另一囚友“鋒”同車。講起糧單買嘢！喺石壁指模房見到三位新人（4XX140嘉龍「非法集結」）一個小朋友，兩位大叔（D.D.及黑錢）。去咗醫生驗尿 (因為有外出，就必須驗尿，要檢查有沒有吸毒) ，便返自己期數食Lunch。工作完了，出操場，散下步傾下計，原來有兩位熟悉的囚友打架入咗醫院，一位被鎖了！沖涼時，今日特別開心，潑來潑去一條凍水，一條熱水，兩條溝埋，啲水就剛剛好，所以大家玩潑水囉！返到活動室，見到華叔傾咗幾句，新人嘉龍終於到了流倉，為了照顧手足（我自己都係得個半月貨仔），都要硬住頭皮幫得幾多得幾多啦！24歲大學生，非法集結（食飯照顧下，佢話而家有好多退休狗睇片認人，所以有足夠證據，如同上次塘福個手足一樣有片有相做證據！）一日發生太多事，祝福手足平安！