日記～5/2/2021 新手足嘉豪 (Patreon)

晴 星期五 24°C一切如常，早上食藥，開始轉藥，阿SIR唔明，唉！懲教職員都係一樣，唔交待清楚，得過且過便算。咁順下佢意啦！出奇地可能一齊食藥，大家「某幾個囚友」一齊食藥便多咗計傾，正如一班人一齊圍住食煙都會傾計一樣，漸漸會比較熟絡。今日有兩位新人去了指模房悶死！有一位新人識玩，即時送去小欖精神康服中心！下午如常工作，今日食早(即係晚飯4:30PM)，沖完涼已經見到新人在活動室，他是卓嘉豪(831非法集結)，可能我真係唔識規則，見到華叔(另一個期數的年長手足)急不及待寫低聯絡俾華叔，害到華叔被職員責罵，真係抱歉。晚上小朋友(嘉豪24歲)走過來傾咗幾句，佢食飯時已經忍唔住，喊出來，個人會舒服啲，可能喊聲太大，有人話俾B哥們知道，佢兩個B哥都比較緊張，走過來一齊傾，小朋友才平復一些。之後我已經轉夜藥（順手，轉藥完成），大家也要返倉了。PS: 嘉豪2021年5月已經放學了，現在却要面臨可能再次入獄，身為同獄手足，什麼都做唔到，好心痛。2023年4月15日就是他判刑的日子，其實緣份真係好奇怪，我在石壁認識卓嘉豪，當我過界去了赤柱就同連俊雄同倉(年滿21歲)，他們兩人同案，同屬831地鐵案。今年他們分別係27 同23 歲了，希望大家為他們打氣，如果真的不幸入獄，大家又想寫信給他們，可以問我攞他們的囚號。嘉豪，我地係2021年2月5日相識而雄仔，我地係2021年8月，你年滿21歲由沙咀調來赤柱同倉~~~~~~~~~~~~~~~~~~~~~~~~~~~~~~~~~~~~~~~~~~~附件【8.31暴動案】涉站內群毆乘客兼破壞設施 3男否認暴動等罪受審！ 撐嚴正審理！2022年11月07日再有涉暴者涉「8.31暴動案」受審！其中1名被告已於去年認罪被判囚，有兩名被告已潛逃，故今次案件餘下3名否認控罪的被告，他們均報稱為學生，依次為：22歲被告簡梓濱、20歲被告連俊雄、24歲被告卓嘉豪。3人被控非法集結、暴動、襲擊及搶劫等罪，案件於今日(07日)於區域法院開審。控方開案陳詞指，「民間人權陣線」於2019年8月31日下午，於遮打花園組織舉辦未經批准的公眾集會，而到了晚上9時許，有蒙面示威者於尖沙咀高叫政治口號、架設路障及縱火，及後9時30分警方進行驅散，隨後示威者湧入旺角彌敦道與奶路臣街交界一帶集結。至晚上10時許，警方再次進行驅散，有示威者逃入旺角港鐵站。而3名被告，各於車站內犯案。控方指，被告簡梓濱遭警方驅散後，於旺角站以硬物、噴漆等物破壞入閘機、控制室玻璃窗；被告連俊雄則在旺角站內與示威者一同破壞車站控制室的玻璃窗，並以彈叉向玻璃窗發射了一次，及後又在太子站月台挑釁車上乘客(即證人X 及 Y)，而被告卓嘉豪亦與被告簡梓濱向兩人施襲，兩人受襲期間亦遭到彈叉等物攻擊。被告卓嘉豪另被控一項「搶劫罪」，他被控於太子站月台搶去女子Z的一部手機話，而Z當時正在以手機拍攝現場片段，及後遭被告卓嘉豪及其他示威者包圍，並遭搶去手機。