日記~6/2/2021 ~ 獄中剪頭髮的價錢? (Patreon)

晴 星期六 24°C 熱咗好多 一早出倉，見到小朋友(嘉豪)平復了，都好啲。唔使食早藥，小咗同某幾位囚友聯繫！改食夜藥就見多咗另一位手足(黎振鴻)！但夜晚就少咗啲時間寫日記囉！ 上午照常掃2號活動室洗兩個廁所，同清理垃圾桶，跟住大隊就上三樓/二樓清潔（拖地/掃地）。“石牆花”真係

晴 星期六 24°C 熱咗好多一早出倉，見到小朋友(嘉豪)平復了，都好啲。唔使食早藥，小咗同某幾位囚友聯繫！改食夜藥就見多咗另一位手足(黎振鴻)！但夜晚就少咗啲時間寫日記囉！上午照常掃2號活動室洗兩個廁所，同清理垃圾桶，跟住大隊就上三樓/二樓清潔（拖地/掃地）。“石牆花”真係好多筆友，回信回到冇郵票！中午小朋友由指模房返回2號活動室，睇下報紙，食下包，第一次食自製果醬(是把 芝士圈+齋燒鵝）又幾好味！小朋友有探訪，見佢已經放低左，都好！晚飯見到華叔，小朋友又喊，真係太感性啦！華叔交代嘅都已經交到小朋友手上！(在監房，私下通訊聯絡是違反監獄條例，但我們總會偷偷私下傳紙仔) 晚上食完即刻夜藥，回倉已冇水沖涼（因為今日剪咗頭髮）我睇蘋果，睇完會將報紙交比B仔哥哥睇，好似玩革命遊戲咁交紙仔，好得意！明天見到妹妹/輝哥/輝嫂了！期待。（剪左頭髮都幾好睇，因為幫我地剪頭髮的囚友，入獄前都係做髮型師，兩飛煙或兩包檸檬荼就係剪頭髮的價錢，只能用電鏟）。