日記~17/2/2021 ~ 水路 (Patreon)

星期三 晴 19°C 昨天突然派糧 (意思係工作有工資，用作給我們買零食及日用品文具，當派物品就是在囚的出糧)，心知今日應該覆診，好在昨晚已執好一切準備，去到好晏，我食完早飯才正式通知我。（早上賢通知左我）上午如常工作，照舊１２點接我去指摸房，喺指摸房食粥同麵包，今次四個人去荔

星期三  晴 19°C

昨天突然派糧 (意思係工作有工資，用作給我們買零食及日用品文具，當派物品就是在囚的出糧)，心知今日應該覆診，好在昨晚已執好一切準備，去到好晏，我食完早飯才正式通知我。（早上賢通知左我）上午如常工作，照舊１２點接我去指摸房，喺指摸房食粥同麵包，今次四個人去荔枝角，只有一個唔識。囚友肥康及鴻仔照舊先被踢竇 (搜身)，上鎖上車，照舊同肥康一齊，好迫，佢太肥啦！佢自己有糖尿病又成日食朱古力！

年初一有火警鐘響，冇鎖人，原來肥康喜歡作故仔！鎖邊個又唔知，又死話有鎖人，我就見唔到。喺荔枝角搞一大輪手續，晚上七點先走又直接返舊翼，又冇得沖涼，又冇匙羹，要用手食，阿Sir都好，俾多一塊肉。其實每次繁複工作真係好多餘。嘉豪明天上庭，祝他好運，嘉豪走咗冇耐有阿Sir來問我佢啲嘢，而且話佢好快會返來。(其實有好多懲教職員好照顧我地黃人)

食完返去對住荔枝角舊翼的污糟房，真係好不願意，但想到食飯同有得出外月走走，時間會過得快啲，又好想去覆診，所以凡事冇絕對，有利就有害。隔籬房講元朗嘅嘢，本想搭訕，最後都冇，寫信、寫日記算啦！等食藥（感冒三寶）就瞓。

茫茫人海，其實到底七百幾萬人當中，有幾多人正在囚中？緣份就係咁，經常在獄中能撞得見，當然也有萍水相逢，一見就走，但也有不少經常能夠見到面。今次覆診，又見同一班人，來自喜靈洲個班。

PS: 為什麼我在石壁，外出睇醫生要先去荔枝角而無直車即睇完醫生即日返去? 在我八卦之下，原來由大嶼山及喜靈洲都稱為”水路”，很久之前未有青馬大橋，所以要安排坐船出荔枝角"再安排睇醫生。直到現在依然無改變，即使係坐車都未有改進。”水路”包括塘福、石壁同喜靈洲，所以去到荔枝角會同一期數。

圖片: 喜靈洲懲教所