日記~19/2/2021 ~ 性罪犯 / 香水的吸引力 (Patreon)

星期五 晴 16°C 天氣的確涼咗小小，一早五點幾被嘈醒食早飯，我成晚都睡得不好，今日要返石壁，我的物品仲係期數活動室，只好等叫阿肥幫我將物品放入櫃內，待我下個月返期數時再取回，底褲有號碼應該冇人要，洗頭水及皂液就唔知啦！冇咗也冇辦法！好在我有多一、兩枝後備！而阿肥剛好在我隔離

星期五  晴 16°C天氣的確涼咗小小，一早五點幾被嘈醒食早飯，我成晚都睡得不好，今日要返石壁，我的物品仲係期數活動室，只好等叫阿肥幫我將物品放入櫃內，待我下個月返期數時再取回，底褲有號碼應該冇人要，洗頭水及皂液就唔知啦！冇咗也冇辦法！好在我有多一、兩枝後備！而阿肥剛好在我隔離，可以容易請佢幫手。在指摸房見到鴻仔，覺得佢真係扮曬嘢，所以少跟他說話便算。上鎖同一個陌生石壁朋友一齊，開始傾下計，24歲，DD(犯毒)仲有十碌(十年)，做廚房。車上細細聲傾計都被阿Sir話。我地三個舊人在指摸房辦完手續（快荔枝角十倍有多）就瞓咗醫院等口水報告，食完粥便去醫院。我一直想知嘅G座原來就喺醫院了，三人傾咗一陣，輪住沖涼，之後新哥(職員)過來請教我做香水的秘方，簡單講下啲概念，俾左啲程式計算方法，最基礎嗰啲！之後又問攝影、溝女，又講一大堆，鴻仔加入意見，跟住阿能(囚友)又感興趣，大家一路傾到4:30晚餐，果然阿能有Friend到，俾咗件牛肉我，可惜我唔食，俾左鴻仔食，可能我太大聲，阿能應該唔俾鴻仔知，不過冇所謂，萍水相逢能互相扶持。食完飯大家靜左一陣，我也寫日記，因為太多事發生！好快就話我地全部可以走，包括我喺荔枝角Single Cell識嘅浩同鬼佬（來自東歐）Levia，但他們兩個舊人先走，因為我地三個流倉，要等到大家返曬倉，我地三個才上倉，終於見到強姦九歲妹妹條仆街（俾人打到內傷）阿杰，當有性罪犯入監獄，必定受到岐視，浴室及無CCTV的地方，都會被打。食飯時的肉及糧單，都會被B頭扣起，因為係性罪犯，所以職員都唔多理，除非真係打得很嚴重。新人要食精神科藥，同林叔(囚友)一樣等15分鐘，我食完藥返倉，洗衫換衫，瞓教，鬼佬訓我隔籬倉。明天好精彩，上次個阿叔又返咗來同阿希一齊嗰位，流倉熱鬧！PS: 流倉即係清潔組，石壁的流倉係新生組，即係所有新入來石壁就會伙流倉四日，再分派去其他期數。