日記~20/2/2021 ~ 牆內的溫情 (Patreon)

星期六 晴 17°C - 24°C 熱 昨晚已經穿短衫短褲瞓，昨晚同隔籬個ON(外籍人士) 傾咗兩句(speak english)，一個來自東歐的毒犯！今日一早就被另一個ON嘈醒。食完早飯照常工作，下午休息，有一場NBA及一場足球睇，囚友當然活躍(因為會有囚友做粧，即使買一包括

星期六  晴 17°C - 24°C 熱

昨晚已經穿短衫短褲瞓，昨晚同隔籬個ON(外籍人士) 傾咗兩句(speak english)，一個來自東歐的毒犯！今日一早就被另一個ON嘈醒。食完早飯照常工作，下午休息，有一場NBA及一場足球睇，囚友當然活躍(因為會有囚友做粧，即使買一包括檸檬荼也會愛受)。我同阿賢就喺到研究”榮光”應該點彈，寫好簡譜有曬拍子，寫埋intro，唱咗幾次，原來好多囚友都識唱，也知道這首的意義，原來囚友們都有睇直播31台，感動！(大家都係仇警)

晚飯時走去同新人傾咗兩句，24歲強姦9歲妹妹個位(阿杰)！被人喺荔枝角打到心口瘀曬，阿Sir落左命令唔準打佢。財叔星期一出冊（茶仔，隔兩個倉位囚），佢俾左箱我用(每個囚犯都有一個案透明儲物膠相，大約36 X 24 X 6 吋左右，出獄無須交還)，再送咗啲零食俾我，同佢唔太熟，但佢都俾咁多嘢我，開心多謝！

加上今晚食完夜藥，帶我返倉位阿Sir（可惜睇唔到佢名）但我一定會見到佢，下次一定要記住佢，佢竟然同我講「我有睇你嘅新聞，喺到慣唔慣呀？你做興趣班導師」這一刻真係好Touching，原來有咁多手足喺到做職員，我答「流倉個個對我好好」，佢就話「咁就好啦！幾時出去？」回覆「9月尾」再答「咁好快啫」，不知不覺已經到了，只好回倉，有機會必定要言謝關心！