日記~26/2/2021 ~ 燒紙鶴送瘟神 (Patreon)

星期五 陰/雨 早上下着微微雨，（星期三攞到本廣東音嘅書，大家都好感興趣），上午嘉豪哥睇住食早飯後開工，今日比較忙，要去A Compound 清洗雀屎，因為真係好多野雀喺啲樹上築巢，因為唔會有人搞佢地，即使啲樹係監獄入面。大家都很合作清潔很快便完成了！之後再去四樓接殺(巡視)，

星期五  陰/雨

早上下着微微雨，（星期三攞到本廣東音嘅書，大家都好感興趣），上午嘉豪哥睇住食早飯後開工，今日比較忙，要去A Compound 清洗雀屎，因為真係好多野雀喺啲樹上築巢，因為唔會有人搞佢地，即使啲樹係監獄入面。大家都很合作清潔很快便完成了！之後再去四樓接殺(巡視)，我負責拖地，嘉豪哥叫大家停手，夠啦，我繼續拖，佢話邊個再做就鎖邊個，哈哈，搞笑！佢見我過度活躍，問我係咪Take咗嘢！

午餐終於收到消息，佛口蛇心的六叔終於被鎖，拖欠人地啲煙又唔使還，正一賤精，唔知佢去咗邊，不過去邊都黑人僧啦！我地今日出籃球場，佳陪我打咗兩下排球（足球當排球打）之後沖涼，入飯堂前，六叔已經被鎖了，大家要配合啦！有人話要燒紙鶴送瘟神，搞笑！(當然有紙及火柴，係浴室叫我摺紙鶴，在一旁燒。原來有啲咁得意習俗?)

夜藥見到鴻仔(一位手足)，佢真係擺個大佬款咁，真係頂佢唔順，成個古惑仔咁，托人大腳，冇利用價值唔采人，手足？哈！回倉後寫日記，終於落大雨，明天星期六，半日工作！