日記~27/2/2021 ~ 清潔空置囚室，必有動作 (Patreon)

Published:

2023-09-10 08:08:56

Edited:

2026-09-03 07:44:07

Imported:

Content

星期六雨天昨晚約九點幾就開始落大雨，昨日全日都陰天，早上依然有微雨，正所謂「清明時節雨紛紛」。星期六半日工作，上午掃完地已經做完工作，一直都係寫信(回信)寫日記/睇書… 新人犯冰冰(販運冰毒)本身係Homosexual(同性戀者)我唔想太貼近免得標籤我，本人已經好大懷疑㗎

星期六雨天

昨晚約九點幾就開始落大雨，昨日全日都陰天，早上依然有微雨，正所謂「清明時節雨紛紛」。星期六半日工作，上午掃完地已經做完工作，一直都係寫信(回信)寫日記/睇書… 新人犯冰冰(販運冰毒)本身係Homosexual(同性戀者)我唔想太貼近免得標籤我，本人已經好大懷疑㗎啦！

今日下午，突然被Call上C2、C3清潔，這是水飯房，很久沒有人入住，最奇怪係上完C2做完，落返地下時，又Call上去再做，就連窗外的雀屎都要洗埋清潔埋，最後要用鏟仔，德叔做，我就用百潔布抹走玻璃啲雀屎，唔知有什麼貴人巡視呢？所謂水飯房跟我們現時住的冇什麼大分別，只不過唔俾外出活動！

叫咗朋友Print自己啲新聞，睇見原來自己判刑期，如果分期執行共有30個月，現時同期執行都有15個月，我好懋反擊，攞咗判決書先再同律師傾傾！3月中又覆診，好討厭荔枝角啲混亂！阿發又話想識女筆友，試下啦！因為在監獄內，收信就係最大的寄託。