日記~28/2/2021~不同期數、難得一見 (Patreon)

星期日  時陰時晴今日星期日，休息日，準備好多書本/報紙渡過，逢星期日食牛肉球，餐單係一個星期循環不息，悶死了！早飯過後就返自己活動室，剪報、寫信、整理歌譜等。廚房及Pantry期數的人入來啦(粗魯、亂掉垃圾、大聲粗…)！又亂七八糟了。唔理佢地自己做自己嘢！當叫Pantry去拉車時(即是去廚房拉午餐到Pantry分配)，十分鐘左右出去就見到奶茶即到，今次我是第一個攞到奶茶，哈哈！爵爺係我在囚期間最好的一個朋友，但佢比較執著，好在我係天秤座，可以平衡返！高興知道阿希做得唔錯。我出操場時撞正華叔喺飯堂，我喺中間，嘉豪喺H醫院閘，雖然大家分開唔同期數，困得住個人，困不住個心，大家互相鼓勵相約外面見，再介紹阿希手足，大家係獄中不同期數。想見面真係好難得！嘉豪剛由操場回來，可能下星期我同華叔位置調換，情況就有不同！期待下一次獄中見！操場可以踢波，囚友很雀躍，我依舊散步做下輕鬆健身，拉下筋便算。打完波當然去沖涼，犯冰冰一直都跟住我，可能未熟其他人啦！返到活動室都只係3:30，尚有2小時才食飯(今日食晏)，係到無無聊聊，打咗幾球乒乓波就食飯。排隊個陣才醒起借咗支筆俾粟米，問佢時話一陣俾返我，原來佢已經唔記得咗喺留左係飯堂。終於我入了三封信入信箱，粟米俾返一支筆俾我時，`我話唔使，佢話佢大把筆，可能小寫嘢啦(借筆因為佢地打康樂棋係計錢須要寫低)！興叔見我寫緊號碼入支筆入面，可以寫多啲啦！結他尚未到手，賢仔話會幫我追，原來結他要星期日派！十分鐘後職員話明天俾唔到我？要下星期日才可以比我。尸一日又完了，明天3月1日，整整入獄三個月，夜藥時，同醫院關Sir講荔枝角很亂，我要求Fax醫生信到荔枝角，唔好有藉口話唔知道！(醫生信要求更改食藥時間)